Liburu honek etxeko loreak (etxe barrua, balkoia, lorategia) hobeto zaintzeko gakoak emango dizkigu, baita landare hori nola ugaldu ere. Jakoba Errekondoren eskutik bertan ikasiko dituzu bakoitzaren jatorria, beharrak eta gustuak. Bizitzaren ederra loratu dadila!
Liburua eskuratzeko[Jakoba Errekondo]
Landarea garbitzeko uste baino lan garrantzitsuagoa da. Hautsa oso kaltegarria da:
* Hosto gainean osatzen den hauts-geruzak landareak jasotzen duen argi-kopurua asko murrizten du eta ezin da ondo elikatu.
* Arnasketa bermatzen duten estoma edo zulotxoak ixten ditu.
* Hostoen itxura itsusitzeaz gain, inguru industrial eta hirietan hautsak osagai kimiko poluitzaileak izan ditzake nahasirik.
Hostoetan biltzen den hautsa nola kendu:
* Urez, espraiarekin edo belakiaz igurtziz. Hauts asko pilatu denean, lehenik oihal lehor batez garbitu eta ondoren belaki bustiaz igurzti.
* Ilea edo arantza duten landareak (begoniak, kaktusak eta abar) isipu edo brotxa batez garbitu behar dira.
* Hosto berri eta gazteak ez garbitu.
* Hostoak ez zanpatu edo estutu.
* Produktu distiratzaileak, ahal dela ez erabili. Ez dute garbitzen, osagai kaltegarriak izan ditzakete eta gero bere gainean hauts berria errazago itsatsiko da.
* Esnea, ozpina, garagardoa, oliba-olioa, eta abar ez erabili; garbitu ondoren hauts gehiago bilduarazten baitute.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.
