[Garbiñe Larrea]Gure basoetako bide bazterretan jaiotzen den arrosa basatiaren fruituak, aleak, erabiliko ditugu hainbat erremediotarako baina loreen petaloek ere badute erabilerarik. Hauek udaberrian biltzen dira eta ale helduak udazken hasieran. Ale helduek A, C eta E bitaminak, pektina, taninoak, karotenoideak, antozianinak, flabonoideak, antioxidatzaileak eta azido organikoak dituzte. B1 eta B2 bitaminak, burdina, magnesioa, fosforoa eta sufrea ere badituzte. Negurako elikagai aberatsa izan da antzinako garaietatik. Tanino ugari duenez lehorgarria da, beherakoaren kontrakoa. Zainak zaintzeko egokia da eta bitamina faltak dakarren nekeari aurre egiteko balio digu. Zauriak sendatzeko ere erabiltzen da. Marmelada egiteko egokia da, fruitu gorriena batez ere. Bere C...