Astelehenero 8:00etan zure epostan
Etxean aukera hori falta duten ikasleei eskolako zalantzak argitzen eta euskara menperatzen laguntzeko boluntarioak eskatu dituzte Arrasaten (Gipuzkoa). Donostialdean ere, zenbait boluntariok urteak daramatzate zaurgarritasun egoeran dauden haurrei “ikasten eta konfiantza berreskuratzen” laguntzen.
1980an Irunen jaioa. 2004. urtetik da erredaktore Argian. Gizarte gaiei eta zinemari buruz idatzi ohi du.
Boluntarioak eskatzeko Ereitten egitasmoaren bideoa.
Bideoa kaleratu du Arrasateko Ereitten egitasmoak: Lehen Hezkuntzako ikasleei euskarazko errefortzua eta eskola-laguntza emateko “behar handia dago eta oso gutxi gara”, beraz boluntarioak behar dituzte, ume gehiagorengana iritsi ahal izateko. Joan den ikasturtean 34 haurrek eta 16 boluntariok hartu zuten parte proiektuan, eta gogoratu dute boluntario izateko ez dela ikasketa berezirik behar.
Erretiroa hartutako irakasle talde batek jarri zuen martxan ekimena. “Etorri berri diren familien umeek ikasketetan dituzten zailtasunak ezagutzen ditugu hezkuntzan aritu garenok –dio proiektuko kideetako batek bideoan–, eta bururatu zitzaigun esku hartzea". Helburu nagusia euskara maila hobetzen laguntzea da, behar handiena hor identifikatu baitute ikastetxeek. Kideak gehitu du denbora gutxi eskatzen duela eta ekarpena handia dela: astean ordu eta erdiko boluntariotza da. Animatuz gero, ereitten@mondragon.edu helbidera idatzi.
Helburu nagusia euskara maila hobetzen laguntzea da, behar handiena hor identifikatu baitute ikastetxeek
Hazi eta Ikasi
Beste leku batzuetan ere antzeko ekimenak dituzte eta horietan ere ongi etorriak dira boluntarioak. Donostialdean adibidez, Hazi eta Ikasi ekimena 2012tik ari da zeregin horretan, Lehen Hezkuntzako 2. mailatik Derrigorrezko Bigarren Hezkuntzako 2. mailara bitarteko ikasleak laguntzen. “Laguntza horiek modu pribatuan ordaindu ezin dituztenei” edota “etxean eskolako lanak egiteko ingurune egokirik ez dutenei” eskaintzen dizkiete boluntarioek, tartean irakasle ohiak.
18 urte edo gehiago dituzten pertsonak izan daitezke boluntario eta ez da beharrezkoa irakasle izatea. Honako ikasgaitan eskaini dezakete laguntza: matematika, biologia eta geologia, gaztelania, euskara, irakurketa, idazketa, ingelesa eta beste zenbait. Astean egun bateko edo biko boluntariotza da. Animatuz gero, info@hazietaikasi.org helbidera idatzi.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545