Sendabelarrak ezin duena kanposantuak sendatu

Lapurdi zeharkatzekoa duen AHT proiektuaren aurka mobilizatzeko deia luzatu dute

Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.


2024ko urriaren 04a
AHTren kontrako ekintza bat. Argazkia: CADE
Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Europako Batzordeak segitzen du AHTren egitasmoa aitzina eramaten. Uztailaren 17an plazaraturiko Europako Interkonexiorako Mekanismoaren 2023ko proiektu deialdiaren emaitzetan ageri da 19,5 milioi euro aurreikusten dituela Akize (Okzitania) eta Gasteiz lotuko lituzkeen AHT linea aztertzeko.  Hori horrela, isilean eta erdi-gordezka egitasmoa aitzina doala salatu du ingurumenaren babeserako elkarteek osaturiko CADE kolektiboak. Euskal Hirigune Elkargoak aurka bozkatu bazuen ere, egitasmoa finantzatzeko betebeharra izango lukeela deitoratu du Euskal Irratietan CADEko Pantxoa Tellierrek. "Injustizia fiskala" salatu du: AHT pasako den hirietan gutxienez 20 euroko zerga emendaketa izanen dute herritarrek 30 urtez.

Frantziako Garraio ministroak obren egitaraua baieztatu eta zehaztu zuen iazko urtarrilean: 2023aren bukaera eta 2024aren hasiera aldera, Bordele hegoaldeko eta Tolosa iparraldeko obren abiatzea; 2027an, zati komunaren eta Tolosara ala Akizera joateko bidebanatzearen eraikuntza; 2028an, Bordele-Tolosa trenbidearen obren hasiera, 2032an erabilgarria izan dadin; eta, horren segidan, Akizera doan trenbidearen eraikitzea. 

Urriaren 12 eta 13an mobilizazioa

Lurralde Altxamenduak sarea AHT egitasmoaren aurka mobilizatuko da urriaren 12 eta 13an. Gironda eskualdean jarria du ondoko protesta, lekua oraingoz gehiegi zehaztu gabe. Autobus bat abiatuko da Lapurditik urriaren 13an, eta interesatuak lekua erreserbatu dezake CADEri idatziz.

"Bizidunak jakin du 4.000 milioi urtez aldatzen, eta gu ezaxolakerian gabiltza eta ez gara gai aldatzeko"
Biologo ezaguna da Gilles Boeuf (1950, Paimboeuf (Bretainia)), ozeanografian berezitua, eta hain justu horregatik gomitatu du EHLGk aurtengo Lurrama laborantza herrikoiaren azokara. Ama ura zaindu,... (+)
Nuklearraren goraldia, humanitatearen mehatxu indartua
Hiroshima eta Nagasaki (1945), Txernobyl (1986), Fukushima (2011)... hiri-izen horiek ahoskatu eta ingurune apokaliptiko bat heldu zaigu gogora. Bonba atomikoa jaurtikita edota istripu nuklear bat... (+)
Eta datorren mundu mailako protesta datu zentroen kontrakoa balitz?
AEBetan, Kenyan, Herbehereetan, Txilen, Espainiako Estatuan, Irlandan, Indian ala beste, datu zentroen kontrako borrokak antolatzen ari dira lurralde geroz eta gehiagotan. Interneteko datuak ikusezinak badira... (+)
Urtero munduan 11.000 pertsona hiltzen dira pestizida intoxikazioagatik
Pesticide Action Network sareak eskaturik, pestizidei buruzko ikerketa plazaratu du irailaren 2 honetan Frontiers in Public Health aldizkari zientifikoak. Emendatuz doa produktu horien erabilpena: 3,8 milioi... (+)
Debekaturiko bi pestizida Parisek berriz legeztatu izana salatuko dute larunbatean Miarritzetik
Kasik bere osotasunean onartu du Laborantzako urgentziazko legea agorrilaren 14an Frantziako Konstituzio Kontseiluak. Hori horrela, azetamiprida eta flupiradifurona pestizidak legeztatzearen alde egin du, nahiz eta... (+)
gora