Berezko joera, arraina urera eta satorra lurpera.

Banderola bat zabaltzeagatik espetxe zigorra eskatu dute U14 kolektiboko lau kiderentzat

2025eko uztailaren 14an Ezpeletan (Lapurdi) egindako manifestazioaren ondotik Jendarmeriaren aitzinean “Zakurrak ACABatu” zioen banderola jartzeagatik hamar hilabetezko gibelapenezko espetxe zigorra, 2.000 euroko isuna eta manifestatzeko debekua eskatu du prokuradoreak lau gazteren aurka. Otsailean jakingo da epailearen ebazpena.


2026ko azaroaren 18a
Urtarrilean, ehun lagun baino gehiago bildu ziren, lau kideen atxiloketa salatzeko.
Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Polizia iraintzea eta polizien kontrako heriotza mehatxua egitea leporatu die prokuradoreak lau lagunei, Baionako epaitegian egin auzian. Ekintzaren eta beraien aurka abiatu den prozeduraren proportzionaltasun eza nabarmendu du Ilazki Ortego gazteen abokatuak eta adierazi du “akabatu” hitzaren esanahia gaizki itzuli dutela frantsesera, “bukatu” esan nahi duela eta banderolaren mezuak aldarrikatzen duela Polizia instituzioa bukatzea: “Nehor ezin da kritika politiko batengatik kondenatu”. Gazteak errugabe direla defendatu du abokatuak.

Horrez gain, prozeduran izandako hutsune eta akatsak azpimarratu ditu abokatuak eta prozesua balio gabe uzteko eskatu du. Beste behin, prentsaren aurrean salatu du “guztiz justifikaezina” dela Polizia 06:00etan lau akusatuen bila joan eta “armak aurpegian ezarriz atxilo hartzea”.

Prokuradoreak, bere aldetik, 2.000 euroko isuna, hiru urtez Pirinio Atlantikoetan manifestatzeko debekua eta herritartasun ikastaroa egiteko betebeharra eskatu ditu, baita hamar hilabetezko gibelapenezko kartzela zigorra ere. Alegia, hamar hilabetez nolabait etenda geratzen da kartzelara joateko betebeharra, eta epe horretan akusatuek ez badute beste deliturik egiten, ez dute kartzelara joan beharrik.

Datorren otsailaren 23an jakinaraziko du ebazpena Baionako auzitegiak.

Ez da lehen aldia U14 kolektiboko kideen aurka egiten dutena. 2024an, beste sei kide atxilotu zituzten, ARGIAn kontatu genuenez.

Bilboko sute batean 24 bizilagun ospitaleratu dituzte, horietako bat oso larri
2026-11-13 | ARGIA
Uribarri auzoko etxebizitza bloke batean izan da sutea, goizaldean. 47 pertsona artatu behar izan dituzte osasun zerbitzuen, eta horietatik 24 ospitaleratu; bat “ oso larri”... (+)
Japoniaren eta Euskal Herriaren "anaitasun gastronomikoak" publikoaren saria jaso du Hokkaidon
2026-11-09 | ARGIA
Donostiako hiru jatetxeren (Aratz, Casa Urola eta Zazpi) erreplika kontzeptual bat dago Mien, Japonian. Hango enpresari baten ideia izan zen hiru euskal jatetxeak izenean eta... (+)
Ekoizpen ekologikoaren kontrola esku pribatuetara ez pasatzeko eskatu du ENEEK-Ekolurrak
2026-09-07 | ARGIA
Araban, Bizkaian eta Gipuzkoan hogei urte daramatza ENEEK erakunde publikoak ziurtapen eta kontrol ekologikoak egiteaz arduratzen, eta Eusko Legebiltzarrean astelehenean egindako agerraldian eskatu dute ez... (+)
Eguzkik salatu du donostiarrek gero eta garestiago ordaintzen dutela hondakinen kudeaketa
2026-07-22 | ARGIA
Talde ekologistak salatu duenez, Donostiako udalak jarraitzen du uko egiten hondakinen gaikako bilketa hobetzeari, eta horren ondorioz, donostiarrek gero eta gehiago ordaintzen dituzte hondakinen kudeaketa.... (+)
Euskal tearen ordua | Mikel Esklamadon (Ilgora tea)
2026-06-17 | Bizi Baratzea, ARGIA
Te kimuak biltzen erakutsi digu Mikel Esklamadonek, Uztaritzeko (Lapurdi) bere Ilgora proiektuan. Ba al zenekien te idor kilo bat osatzeko 12.000 hosto bildu behar direla?... (+)
gora