Astelehenero 8:00etan zure epostan
"Faxismoari eta eskuin muturrari euskaraz" aurre egingo diola aldarrikatu du Euskal Herrian Euskarazek. Hizkuntzaren borroka antifaxismotik eta "euskararen errepublika ipar hartuta" eraman nahi du taldeak.
Astearte goiz honetan EHEk egindako agerraldia, Durangon.
Abenduaren 5ean karrikak hartzeko deia luzatu du EHEk, astearte goizean Durangoko tximinian egindako agerraldian. Deialdia sustengatzen duten 50 eragileren izenak plazaratu ditu halaber, eta horien artean dira Euskal Herriko sindikatu, eragile politiko eta mugimendu euskaltzale gehienak. Atxikimendua eman dutenen artean daude, esaterako, Ernai, Kontseilu Sozialista, Euskal Herriko Etxebizitza Sindikatuen Sarea, Euskal Herriko Mugimendu Feminista, Plazara, Baltsan, UEMA, Euskalgintzaren Kontseilua, ELA, LAB, Steilas...
"Euskararen egoera larriak euskararen aldeko borroka bizkortzea eta indartzea eskatzen du", adierazi du EHEK. Euskara "lehentasun sozial eta politiko" bihurtu behar dela gaineratu du, eta hori euskaltzaleen "aktibazioari eta antolakuntzari" esker erdietsiko dela.
Euskara ez da gizartetik isolatua, ordea, eta EHEk euskararen gaia testuinguruari lotu behar dela oroitarazi du. "Argiki ikusten ari gara eskuin muturra eta faxismoa indartzen ari direla eta gainditutzat genituen diskurtso erreakzionario eta atzerakoiek lekua irabazi dutela". Horri loturik, taldeak gogorarazi du faxismoak historikoki hartutako jarrera zapaltzailea euskararekiko eta Euskal Herriarekiko, eta garai haiei "nostalgiaz gorazarre" egiten dietenak gero eta gehiago direla gaur egun. Horren aurrean, iraganeko borroka egungoarekin lotzera deitu du EHEk
: "60ko hamarkada amaieran izandako euskaldunon 'pizkundea' argiki lerrokatu zen Euskal Herri aske eta antifrankistaren edota antifaxistaren aldeko borrokarekin eta, orain ere, Euskal Herrian Euskarazetik horretarako deia egiten dugu".
"Zapalkuntza guztiak gaindituko dituen Euskal Herri euskalduna"antifaxismotik eta "euskararen errepublika ipar hartuta" jorratu nahi du EHEk, frantziar nahiz espainiar estatuetatik aske izango den Euskal Herri euskalduna baita, bere erranetan, "faxismoari aurre egiteko bidea". Manifestaziorako deia luzatu dute beraz, Abenduaren 5ean 13:30ean Landako Gunetik.
Hauek dira atxikimendua eman duten eragileak:
- AEK
- Aintzat Osasungintza Euskalduntzeko Mugimendua
- Aldatu Gidoia
- Askapena
- Baltsan Elkartea
- Berbaro Elkartea
- Bultzada Txuriurdina
- Burrunba gazte euskaltzaleen taldea
- EHGAM
- ELA
- Ernai
- Errigora
- Euskalgintzaren Kontseilua
- Euskal Herriko Bilgune Feminista
- Euskal Herriko Etxebizitza Sindikatuen Sarea
- Euskal Herriko Kontseilu Sozialista
- Euskal Herriko Mus Federazioa
- Euskal Konfederazioa
- Euskal Udalekuak- EuskarAbentura
- Euskararen Bozgorailua Euskotrenen
- Elkar Fundazioa
- Gazte Euskaltzaleon Sarea
- Gu ere bai!
- Gure Esku
- Harrabots - HUEZIko euskara taldea
- Hau Pittu Hau!
- Herri Norte Taldea
- Hizkuntz Eskubideen Behatokia
- IEP - Ibaetako EHUko euskara taldea
- Ikama
- Ikastolen Elkartea
- Indar Baskonia
- Indar Gorri
- Iñigo Cabacas Herri Harmaila
- ILE - Leioako EHUko euskara taldea
- Iraultza
- Jardun Koordinadora
- Kandelaria Kultur Elkartea
- KEA - Gasteizko EHUko euskara taldea
- LAB
- Naziogintza Taldea
- NUPeko Euskara Taldea
- Ostia kolektiboa
- Pantailak Euskaraz
- Plazara
- Sare Antifaxista
- Sortzen Elkartea- Steilas
- Stop fosilak
- UEMA
- 7 baietz
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545