'Gure Gaskuña', erdi hondoratuta Orion.

Oriotarren kexua erabatekoa da azken egunetan, itsasontziak kasik 60 egun baitaramatza hondoratuta, eta inguruko urak jada kutsatu dituela salatu dute hainbat aldiz. Bada, barnean zeraman erregaia ebakuatu dutela erran du Eusko Jaurlaritzak; 18.900 litro gasolio orotara. Berriak jaso duenez, ekintza hori "urrats garrantzitsua" dela nabarmendu du Eusko Jaurlaritzako Portuen, Itsas Gaien eta Itsasertzaren zuzendari Koldo Goitiak. Itsasoa ez kutsatzeko neurriak hartu dituztela ere erran du, eta ondoko pausua, "ahalik eta azkarren", itsasontzia ateratzea izanen dela. "Gure helburua da lanak beharrezko segurtasun berme guztiekin eta ingurunea babestuz egitea".

Herritarrak behin baino gehiagotan mobilizatu dira, eta beren kezkak adierazi dituzte: sutearen ondorioei dagokionez, baina baita egoeraren kudeaketari dagokionez ere. Joan den asteazkenean, izan ere, Orioko Udalak Jaurlaritza interpelatu zuen zuzenean, egoera "lehenbailehen" konpontzeko galdeginez.

Larunbatean Orioko surf taldeak ere elkarretaratzea egin zuen, eskaera bera zabalduz. Beraien "kexa eta egonezina adierazteko eta dagokien arduradunei presioa egiteko" bildu ziren, surf egitera ateratzean "gasolio usain txarra eta orbanak" atzeman zituztelako. Egoeraren larritasunaz oharturik, txartzat jo dute Eusko Jaurlaritzak isurien inguruan ezer ez erraitea. Zehaztu zuten elkarretaratzearen helburua ez zela errudunak aurkitzea zehaztu zuten, baina bai egoera konpondu behar dutenek ardura hartzea.