Deialdiaren argazkia.

Errausketen Aurkako Mugimenduak elkarretaratzera deitu du Donostian dagoen Gipuzkoako Foru Aldundiaren aurrean, larunbatean, 13:00ean. Zubietako Erraustegiak "hasieratik eta egunero" kutsatzen duela salatu du, eta agente publikoei zuzendu zaie.

Adituak "behin eta berriro" egiten dituzten oharrez mintzatu da. Adierazi du ToxicoWatch fundazioaren azterketek –Gipuzkoako Foru Aldundiak eta GHK partzuergoak ordainduta– erraustegiak sortzen dituen kutsaduren berri ematen dutela, "gero hedabideetan egia ezkutatzen saiatu arren". Salatu dute agente publikoek erraustegia "kontrolatzeko" dagokien "eginkizuna" ez dutela betetzen, eta, zenbait auziri ezikusiarena eginten diotela ere: "Ez dituzte kontutan hartzen kutsaduraz ohartarazten duten ikerketak; ez dituzte ikertzen behin eta berriz erraustegian gertatu diren sute eta istripuak; ez dute konpondu azken bost urteotan Arkaitzerreka kutsatzen duen isuri pozoitsua...".

Foru Aldundiari eta errausketaren aldeko alderdiei ere zuzendu zaie: "Ez dute kontutan hartu erraustegiari ezetz esaten zion herritarraren hitza, ez dute kritikarik txikiena ere onartu eta beren erabakietatik kanpo utzi dituzte herritarrak eta mugimendu sozialak". GuraSOS elkartearen bazterketa ere aipatu du. Erraustegiaren aurkako kideek gogoratu dute Espainiako Auzitegi Konstituzionalak elkartearen alde egin duela eta zera galdetu du: "Orain zer egin behar dute Foru Aldundiak eta erraustegiaren propagandistek?".