Bizi-baratzea

Irati Irazusta Jauregi

2023ko irailaren 22a

Fiskaltzak prozesu judiziala abiatu du aztertzeko ea legeak baimentzen duen emaritik behera utzi zuten Mape ibaia, horrek bertako fauna eta flora arriskuan jarri ditzakeelako. (Argazkia: Eguzki)

Gernikako epaitegiak ikerketa abiatu du Busturialdeko Ur Partzuergoaren aurka, argitzeko ea 2020an Mape ibaia behar baino gehiago lehortu zuten, inguruetako ur eskasiari aurre egiteko. Eguzki talde ekologistak egin zuen salaketa 2021ean, urtebete lehenago ibaitik behar baino ur gehiago atera zutelakoan. Gaur egun Bilbao Bizkaia Ur Partzuergoaren (BBUP) menpe dago Busturialdeko Ur Partzuergoa, 2021ean desegin ondoren.

Fiskaltzak prozesu judiziala abiatu du aztertzeko ea legeak baimentzen duen emaritik behera utzi zuten ibaia, horrek bertako fauna eta flora arriskuan jarri ditzakeelako. Eguzkik azaldu du Mape ibaia Urdaibaiko Batasuneko Garrantzizko Lekuaren (BGL) parte dela, eta, beraz, "ingurumen garrantzi handia duen ibilgu baten aurkako ekintza" dela ibaiaren lehortzea.

Talde ekologistak gaineratu du delitu ekologiko hau ez dela salbuespena, ez delako gertatzen den lehen aldia eta inguruko ubideetatik ere hartu izan dutelako behar baino ur gehiago. Salatu du erakundeek urteak daramatzatela eskualde horretako ur eskasiaren aurka behar diren neurriak hartu gabe.

Busturialdeko ur eskasia

Busturialdeko zenbait herritan aspaldikoa da ur eskasiaren arazoa. Batez ere abuztuan eta irailean gertatzen da, prezipitazio urrien ondorioz ur gutxiago egoten baita eskuragarri, eta eskaria handitu egiten baita turismoagatik. Nahiz eta urteko gainontzeko hilabeteetan Mapeko ura nahikoa izaten den ur eskaria asetzeko, lehorte garaian beharren %20 baino ez du asetzen. Are gutxiago, mantendu behar den emari ekologikoa kontuan hartzen bada; kasu horietan, eskari osoaren %10i erantzuteko gai baino ez da.

Azken albisteak>>

Ekoedizioa: Nola murriztu liburuak sortzen duen kutsadura

2023-11-12 | Irati Irazusta Jauregi

Duela urtebete sortu dute Ekoedizioaren Institutua Katalunian, paperezko argitalpenek ingurumenean eragiten dituzten ondorioak gutxitzeko asmoarekin. Ekoedizioak bete beharko lituzkeen hamabi irizpide zehaztu ditu institutuak, eta... (+)

Itoiz azpiko herrien erresistentziak hogei urte bete ditu

2023-10-08 | Irati Irazusta Jauregi

Hogei urte igaro dira Itoizko urtegia eraikitzeko zazpi herri eraitsi eta urpean ito zituztenetik. Herritarrek eta herritarrak ez zirenek, ordea, ez zuten besterik gabe onartu... (+)

Ibilgailuen isurien mugak malgutu dituzte Europar Batasunean, automobilgintza industriari laguntzeko

2023-09-26 | Irati Irazusta Jauregi

Euro 7 araua, isuriak murriztea helburu duena, aurreikusitakoa baino beranduago sartuko da indarrean: ibilgailu arinen kasuan 2027an eta 2029an astunen kasuan. (+)

Artozkiko erresistentziak 20 urte

2023-09-15 | Irati Irazusta Jauregi

Itoizko urtegiaren azpian dagoen herrietako bat da Artozki (Nafarroa). 2003an hustu zuten beste sei herrirekin batera, urtegia egin behar zutelako, baina azken momentura arte defendatu... (+)

Gutxienez 6.200 hildako eta 10.000 desagertutik gora eragin ditu Libiako hondamendiak

2023-09-13 | Irati Irazusta Jauregi

Kalteturiko lurraldea hondamendi eremu izendatu dute. Gehien kaltetutako hiria Derna izan da, eta erreskate taldeek zailtasunak dituzte hara iristeko. (+)

Urdaibaiko ibai bat gehiegi lehortzeagatik delitu ekologikorik izan ote den ikertuko dute

Azken albisteak>>