Asteroko buletina
Artoak ontzeko erein behar dira garagarrilean; guk erein genituen uztan, horregatik geratu ginen ez buru eta ez buztan.

Mende amaierarako itsasoak euskal kostaldea hondartzarik gabe utz dezakeela ohartarazi du AZTIk

Klima aldaketak Euskal Herriko kostaldean dituen eta etorkizunean izango dituen ondorioei buruzko txostena kaleratu du AZTI zentro teknologikoak. Baliteke mende amaierarako itsas maila 65 zentimetro igotzea. CO2 emisioak murriztu beharra agerian geratu da berriro ere.

 


2023ko azaroaren 28a
Zarauzko hondartza // Argazkia: Twitter

Klima aldaketak euskal kostaldean daukan inpaktuari zenbakiak jarri dizkio AZTI zentro teknologikoak, orain berri ateratako txosten batean. 1990etik, hamarkada bakoitzean 1,5-3,5 zentimetro artean igo da itsas maila, eta aurreikuspenen arabera, baliteke itsas-mailaren igoera 50 eta 65 zentimetro artekoa izatea mende honen amaierarako. Adituek hondartzetako, bizitegi-lurzoruko eta industria-lurzoruko inpaktuen xehetasunak aztertu dituzte eta AZTIko Klima Aldaketa arloko koordinatzaile den Guillem Chusten hitzetan, itsas-mailaren hazkundeak “hondartza gehienak, padurak eta belardiak galtzea” ekarriko du. Kalteak minimizatzeko egokitzapen neurriak proposatzen ditu zentro teknologikoaren txostenak.

Hondartzetan, paduretan eta belardietan ez ezik, kostako azpiegitura kritikoetan ere eragingo du igoera horrek; portuetan, dikeetan eta itsas pasealekuetan kalte handiak sortuta. Olatuen muturreko altueran ere gorakada nabaritu dute, hego-ekialdean bereziki. “Ondorio kritikoak” direla azpimarratu du AZTIk.

Ozeanoak eta neurgailuak

Ozeanoak funtsezko eragileak dira klima globalaren erregulazioan. AZTIk klima aldaketak ozeanoei nola eragiten dien aztertzeko konpromisoa erakutsi du, metodo zientifikoak erabilita. Hori lortzeko, datu-base bateko informazio ugari bildu dute, ekaitzak ebaluatzeko eta kostaldeko eremuei nola eragingo dieten aurreikusteko. Gainera, hainbat tresna dituzte, hala nola olatuek kostaldeko egituretan nola eragiten duten neurtzeko sentsoreak, uholdeak simulatzen dituzten ordenagailu-ereduak eta olatuen eta uholdeen kalteak prebenitzeko alerta goiztiarreko sistema bat.

Donostiako Basque Culinary Center berriaren obretan sartu dira herritarrak, proiektua salatzeko
SOS Manteo elkarteko kideek azpimarratu dute ez dutela etsiko parkea berreskuratu arte. (+)
Otsailaren 4an ehiza-jardueraren aurka mobilizatzera deitu du NAC plataformak
“No a la Caza” (NAC) plataformak ehiztariek erabiltzen dituzten txakurrak Animalien Ongizaterako Estatuko Legean sartuta egotea exijituko du, besteak beste. Donostian, Bilbon, Iruñean eta Espainiako... (+)
Basque Culinary Center berria eraikitzeko zuhaitzak mozteari ekin diote Donostian
BCCren Donostiako bigarren egoitza eraikitzeari ekin diote aste honetan, eta SOS Manteo elkarteak salatu du astelehen goizean zuhaitzak botatzen hasi direla. Auzotarren arabera, Nafarroa hiribideko... (+)
"Euskal Sagardoa" jatorri deituran zazpi lurraldeetako sagardogileak izendatuko dituzte
Euskal Sagardoaren eremu geografikoa EAEtik zazpi lurraldeetara handitzeaz gain, mugaren bi aldeetako sagar motak ere Jatorri Deituran sartzea adostu dute. Dagoeneko tramitazio guztiak martxan jarri... (+)
Erakunde ekologistek neurri zorrotzak eskatu dizkiete administrazioei plastikozko bolatxoei aurre egiteko
Abenduaren 8an Portugalgo itsasoan zama galdu zuen itsasontziaren plastikozko bolatxoak dagoeneko Euskal Herrira iristen hasi dira. Erakunde ekologistek uste dute “premiazko neurri zorrotzak” hartu behar... (+)
Asteroko buletina

EMAN HARTURAKO:

Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545

OlatuKoop

Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.

BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

gora