Asteroko buletina
Luzea banintzen, motza banintzen, maiatzean burutu nintzen (garia).

Ibilgailuen isurien mugak malgutu dituzte Europar Batasunean, automobilgintza industriari laguntzeko

Euro 7 araua, isuriak murriztea helburu duena, aurreikusitakoa baino beranduago sartuko da indarrean: ibilgailu arinen kasuan 2027an eta 2029an astunen kasuan.


2023ko irailaren 26a
Herrialdeek erabaki horrekin automobilgintza industriari lagundu nahi diotela adierazi dute, \"ibilgailu elektrikoen garapenean ari direlako lanean\". (Argazkia: EDP)

Europar Batasuneko industria ministroek erabaki dute ibilgailuen isuriak murrizteko plana atzeratzea, automobilgintza industriari laguntzeko. Europako Komisioaren Euro 7 plana, errepideko garraioko kutsatzaile atmosferikoen isuriak murriztea helburu duena, bi urte beranduago sartuko da indarrean. Ibilgailu arinetan 2027. urtera arte atzeratu dute eta bien bitartean gaur egun indarrean dagoen araudiak jarraituko du martxan, Euro 6ak. Astunetan, berriz, 2029ra arte ez da indarrean sartuko Euro 7a, eta bitartean gaur egungo araudiaren emisio-mugak murriztuko dituzte.

Herrialdeek erabaki horrekin automobilgintza industriari lagundu nahi diotela adierazi dute, "ibilgailu elektrikoen garapenean ari direlako lanean", kontuan hartuta 2035. urtetik aurrera gasolina eta diesela behar duten autoak saltzea debekatuta egongo dela.

Euro 7 planaren aurka azaldu ziren hasieratik EBko hainbat herrialde: Frantzia, Italia, Txekiako Errepublika, Bulgaria, Hungaria, Polonia, Errumania eta Eslovakia.

Baita automobilgintza industria ere; kexu zen, eskakizun berrietara egokitzeko "milaka milioi euro" inbertitu behar zituztela-eta, handik urte gutxira auto horiek saltzea debekatuta izango duten arren. Automobil Fabrikatzaileen Europako Elkarteak adierazi du Europako herrialdeen erabakia "bide onetik" doala, nahiz eta oraindik "kostuak handiak dituzten".

Ekoedizioa: Nola murriztu liburuak sortzen duen kutsadura
Duela urtebete sortu dute Ekoedizioaren Institutua Katalunian, paperezko argitalpenek ingurumenean eragiten dituzten ondorioak gutxitzeko asmoarekin. Ekoedizioak bete beharko lituzkeen hamabi irizpide zehaztu ditu institutuak, eta... (+)
Itoiz azpiko herrien erresistentziak hogei urte bete ditu
Hogei urte igaro dira Itoizko urtegia eraikitzeko zazpi herri eraitsi eta urpean ito zituztenetik. Herritarrek eta herritarrak ez zirenek, ordea, ez zuten besterik gabe onartu... (+)
Urdaibaiko ibai bat gehiegi lehortzeagatik delitu ekologikorik izan ote den ikertuko dute
Eguzki talde ekologistak salatu zuen 2020an Mape ibaitik behar baino ur gehiago atera zutela, ur eskasiari aurre egiteko. Azpimarratu du ez dela gertatzen den lehen aldia... (+)
Artozkiko erresistentziak 20 urte
Itoizko urtegiaren azpian dagoen herrietako bat da Artozki (Nafarroa). 2003an hustu zuten beste sei herrirekin batera, urtegia egin behar zutelako, baina azken momentura arte defendatu... (+)
Gutxienez 6.200 hildako eta 10.000 desagertutik gora eragin ditu Libiako hondamendiak
Kalteturiko lurraldea hondamendi eremu izendatu dute. Gehien kaltetutako hiria Derna izan da, eta erreskate taldeek zailtasunak dituzte hara iristeko. (+)
Asteroko buletina

EMAN HARTURAKO:

Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545

gora