Lurrak loreetan barre egiten du.

Hernani, Arano eta Elduain arteko mugetan bost haize errota jarri nahi dituen proiektuaren atzean Endesa dago

Enigma Green Power enpresak "Ikatz Gane" deitu dion proiektu eolikoa egiteko "aldez aurreko administrazio-baimena" eskatu du. Bost haize errota jarri nahi ditu. Enigma Green Powerren jabe bakarra Arena Green Power da, eta honen kargudunen artean da Endesa.


2024ko maiatzaren 24a
Enigma Green Powerrek eman dituen koordenatuak mapan kokatu ditu makroproiektuen aurkako militante batek. Itxuraz, proiektuak Hernani, Arano eta Elduaiengo lurrak hartuko ditu.
Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Enigma Green Power 26, SLU enpresak "aldez aurreko administrazio-baimena" eskatu du "Ikatz Gane" deitu dion zentral eolikoa egiteko. Hala iragarri du Euskal Herriko Agintaritzaren Aldizkariak maiatzaren 23an. Horrekin, lehia eskabidea aurkezteko epea zabaldu zaie gainerako enpresei, 20 eguneko epean.

Iragarkiak dioenez, Enigma Green Power enpresak bost haize errota jarri nahi ditu, guztira 33 MWko potentzia gordina emango luketenak. Proiektua Hernaniko udal mugetan egingo dela dio Euskal Herriko Agintaritzaren Aldizkariaren iragarki honek, eta koordenatu zehatzak ematen ditu.

Makroproiektuen aurkako militante batek koordenatu horiek mapan kokatu ditu eta hedabideetara bidali duen mezuan dio, itxuraz, proiektuak Hernani, Arano eta Elduaiengo lurrak hartuko dituela: "Adarra-Mandoegi lerroan Etzala eta Azketa mendiak, eta Hernani-Arano mugan Garagartza mendi-lerroa eta Euntzin; Urumeaz bestaldean, Ugaldetxotik gora, Urdaburu azpian dagoen Aginaga-Erkaitz Pagoeta kaskoa. Zentrala ez da Leuneta eta Mandoegira igotzen".

Enigma Green Power 26, SLU berez Arena Green Power da

Enigma Green Power pertsona bakarreko sozietate mugatua da, Sevillan kokatua eta 2021ean sortua. Bere bazkide bakarra Arena Green Power SL da, 2021eko abuztuaren 17ko BORMEan irakur daitekeenez (beheko argazkia hortik ateratakoa da).

Arena Green Powerrek Madrilen du egoitza eta 2021ean sortu zen. 500dik gora enpresak osatzen duten sare korapilatsua da, eta enpresa hauetako bakoitzak zenbaki baten izena hartzen du (Arena Green Power 2, edo 2, edo...).

BORMEan irakur daitekeenez, Arena Green Power 1ek kargudunen artean ditu administradore solidario Enel Green Power España SL, Endesa SA eta Endesa Generacion SA. Administradore bakarra, aldiz, Shark Power SL du, eta 2022ko abuztutik Guillermo Gomez Gomez du ordezkaria.

Arena Green Power 1en estatutuetan 2. artikuluan irakur daitekeenez, "Sozietateak helburu gisa dauka energia berriztagarrien plantak garatzea, eraikitzea, muntatzea, martxan jartzea, ustiatzea eta mantentzea, baita hauek ustiatuta lortutako argindarra ekoiztea eta saltzea ere".

Uribarri Jauregiko akanpadan iraganeko borrokak eta egungo nazioartekoak uztartu zituzten
2025-05-27 | Estitxu Eizagirre
Maiatzaren 16tik 18ra EH Bizirik sareak deituta kanpaldia egin berri dute Uribarri Jauregin. Hainbat ekintza, hitzaldi eta tailer egin zituzten bertan. Besteak beste, Lemoizko zentral... (+)
Iazko udako uzta txarretik bildutako irakaspenak
2025-05-25 | Estitxu Eizagirre
Uda da sasoirik oparoena baratzean. bai, behintzat, udaberrian ereintza eta landaketa lanak egin badira. iazko uda ez dadila errepikatu desio dute elikagaiak lurrean eta zeruari... (+)
Antolaketa kolektiboa eta erreleboa aztergai
2025-05-25 | Estitxu Eizagirre
Maiatzaren 10ean Zestoako iraeta auzoan kokatuta dagoen amillubi proiektuan elkartu ziren elikadura burujabetzaren aldeko herritarrak eta laborariak. Udaberriko Festaren bigarren edizio honetan, goizean bi mahai-inguru... (+)
Gipuzkoako Aldundiak laborari ekologikoak diru-laguntza batetik kanpo utzi dituela salatzeko elkarretaratzea egin dute
2025-05-15 | Estitxu Eizagirre
Gaur, maiatzak 15, San Ixidro da, Baserritarren Eguna. Egurra Ta Kandela baserritar ekintzak salatu du ekologikoan lan egiten duten laborariak landutako azalera handitzeko diru-laguntzatik kanpo... (+)
Amasa-Villabonako Udala Premier enpresarekin negoziatzen ari da Amasamendiko herri lurretan bi haize errota jartzeko baldintzak
2025-05-06 | Estitxu Eizagirre
Ander Goikoetxea Amasa-Villabonako zinegotzia da eta EH Bilduko Legebiltzarkidea. Premier ESPF Ipaz Haizea enpresak Amasamendin ezarri nahi dituen bi haize erroten orain arteko prozesua nola... (+)
gora