Protestaren bidez mugimenduak argi utzi nahi izan ditu enpresaren jardunbideak.

Caparrosoko makrogranjak eragiten duen ingurumen-inpaktua salatu zuen talde ekologistak duela bi urte protesta ekintza baten bidez. Enpresak isurtzen zituen hondakin ilegalak akuiferoetara eta ibaietara iristen zirela kritikatu zuten. Aragoi ibaiko kontserbazio bereziko eremuan dagoen putzu batetik, nitratoz kutsatutako ura atera, eta Valle de Odietako putzu batera bota zituzten mila litro. 

Urriaren 23an egingo da haien aurkako epaiketa. Abeltzaintza industrialaren eragin kutsatzailea salatu dutela zutela azaldu dute Greenpeaceko kideek.

Sustrai Erakuntza Fundazioak auzipetutakoei babes osoa adierazi die eta abeltzaintza-eredu horrek sortzen duen kutsadura salatzeko beharra nabarmendu du. Fundazioak gaineratu du baliabide hidrikoen osasuna eta haien mende dauden pertsonen osasuna arriskuan jartzen dituztela Caparrosoko isurketek. Talde honek makrogranja hartutako erabakiak kritikatu izan ditu aurretiaz ere.