Bizi-baratzea

Baserritar Bilgunea sindikatu berria azaroaren 1ean aurkeztuko dute jende aurrean

Laborantzako sindikatu berriak urriaren 18an egin zuen bere eratze batzarra, Lazkaoko Biziola proiektuan. Larunbata honetan gizarteari aurkeztuko diote sindikatua, "Baserri iraunkorrak, bizitza duinak" lemapean: Donostiako Gipuzkoa Plazan, 18:00etan hasita.

Estitxu Eizagirre @eeizagirre

2025eko urriaren 29a

Urriaren 18an Lazkaoko Biziolan egin zuten Baserritar Bilgunearen eratze batzarra.

Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Baserritar Bilguneak bere burua aurkezten duen bideo hau zabaldu du:

Josebe Blanco artzain eta ARGIAko kolaboratzailea Baserritar Bilgunearen eratze batzarrean izan zen, eta sindikatuaren premiari buruzko bere hausnarketak idatzi zituen Ekaitzaren erdian artikuluan. Egonarria saioan elkarrizketatu ditugu eta azaroaren 26tik aurrera egongo da elkarrizketa ikusgai webgune honetan.

Baina sindikatu berriaren oinarriak eta aurrera begirako asmoak ezagutu nahi dituen herritarrak, azaroaren 1ean du aukera: 18:00etan emango dute prentsaurrekoa Donostiako Gipuzkoa Plazan, eta ondoren kalejira egingo dute, festa eta aldarrikapen giroan. Norberak sektorearekin lotzen dituen erreminta, arropa eta abar ekartzeko dei egin diote herritarrei.

Afixan ikusgai informazio osoa:

Azken albisteak>>

Bermeo, Meñaka eta Arrietako landa-guneetatik 500 metrora egin nahi duten Sollube-gane proiektu eolikoaren aurkako alegazioak aurkeztu dituzte

2025-11-11 | Estitxu Eizagirre

Sos Sollube herri-plataformak Sollube-gane proiektu eolikoaren aurkako 3.000 herri alegaziotik gora aurkeztu ditu azaroaren 10ean Bilbon, Industria Administrazioaren Bizkaiko Lurralde Ordezkaritzaren aurrean. Grupo Arena enpresak... (+)

ARGIA eta Bizi Baratzea Lurraman egongo dira asteburu honetan

2025-11-05 | Estitxu Eizagirre

Azaroaren 7tik 9ra Miarritzen ospatuko du bere 20. edizioa Lurrama laborantza herrikoiaren aldeko bestak. Aurten herrialde gonbidatua Euskal Herria da eta ARGIA eta Bizi Baratzea... (+)

Buruntza zentral eolikoa ez eraikitzea erabaki du Mendiko Haizie enpresak

2025-11-04 | Estitxu Eizagirre

Buruntza mendian hiru haize errota handi eraikitzeko administrazio baimena eskatu zuen 2024ko abenduan Mendiko Haizie SL enpresak. Andoain, Urnieta eta Lasarte-Oriako lurrei eragingo zien proiektuak.... (+)

Baserritar Bilgunea sindikatu berria: "Lehen sektoreak bat egin beharko luke lurraldearen defentsan"

2025-11-03 | Estitxu Eizagirre

Baserria bizibide duten 50 inguru baserritar, artzain, abeltzain eta nekazari elkartu dira Donostian azaroaren 1ean, Baserritar Bilgunea sindikatu berria jendaurrean ezagutzera emateko. Jakinarazi dute "lehen... (+)

Barakaldo eta Trapagaran herriei eragiten zien zentral eolikoaren proiektua artxibatu bide du Jaurlaritzak

2025-10-30 | Estitxu Eizagirre

Iparaixe II zuen izena proiektuak eta Aspiravi enpresa belgikarrak sustatua zen. Argalario mendian bost haize errota handi eta "ebaketa zentroa" eraiki nahi zituen. Eusko Jaurlaritzak... (+)

Asteroko buletina ikusi azkenekoa >>