Asteroko buletina
Tximeleta dabil urrian, gauza txarren bat dator.

Basque Culinary Center, Arabako Guardian ere

Edariak eta Ardoa (EDA) Drinks & Wine Campusak bigarren egoitza bat izango du Arabako Errioxan, Gasteizkoarekin batera. EDA Basque Culinary Centerrek “garatu eta gidatutako” proiektua da, Eusko Jaurlaritzak eta Arabako Foru Aldundiak sustatu dute. “EDAk Araba munduko ardoaren eskualde handien mailan kokatu nahi du”, diote campusaren sustatzaileek.


2023ko azaroaren 29a
Argazkia: irekia.eus

Asteartean aurkeztu dute proiektua Guardian bertan, sektoreko, eskualdeko eta instituzioetako ordezkariekin. Proiektuak Arbako aldundiaren eta Jaurlaritzaren laguntza du, eta Guardian izan dira, besteak beste Arantxa Tapia Ekonomiaren Garapen, Jasangarritasun eta Ingurumen sailburua eta Ramiro González Arabako ahaldun nagusia.

Jaurlaritzaren irekia.eus webgunean irakurri daitekeenez, Guardiako EDAren egoitzak “proiektua indartuko du Vitoria?Gasteizko egoitzarekin batera, sinergiak batuko dituzte ardoaren eta edarien balio?katearen alde, unibertsitate?prestakuntzaren, ikerketaren, berrikuntzaren eta ekintzailetzarako laguntzaren bidez”.

Guardiako 3.900 metro koadroko lursail batean 2.500 metro koadroko eraikina altxatzea da asmoa. Eraikina 2026rako aurreikusi dute, eta iragarri nazioarteko lehiaketa bat abiatuko dela eraikina hautatzeko, “Arabako Errioxan higiezin sinbolikoak eraiki dituzten upategi ugarien ildotik".

Mundu mailan erreferente

“EDAk Araba munduko ardoaren eskualde handien mailan kokatu nahi du, hala nola Bordele, Napa edo Adelaida, baita leku horietan dauden goi?mailako unibertsitate eta zentro espezializatuei dagokienez ere”, diote proiektuaren sustatzaileek.

Alea-k aurkezpenera bertaratu ziren hainbat ordezkariren hitzak jaso ditu. "Arabarentzat eta Euskadi osoarentzat aitzindaria eta estrategikoa den proiektu bat” da EDA, Tapiaren arabera. “Arabako Errioxa munduko ardogintza izendapenen artean” kokatzea da helburua, Gonzaloren esanetan. “EDAren konpromisoa da mahastizaintzako eta ardogintzako industrian berrikuntza, ekintzailetza eta jasangarritasuna bultzatzea”, adierazi du Joxe Mari Aizega Basque Culinary Centerreko zuzendariak.

Traktoreek trafiko eragozpen handiak sortu dituzte Araban eta Nafarroan
Nafarroan 800 traktore inguru mobilizatu dira sindikatuetatik kanpo, eta Iruñerrian eta Erriberan sortu dituzte trafiko arazoak nagusiki. Araban, herrialde osoko 500 traktorek bat egin dute... (+)
“Zomorroak” aurkitu dituzte Murgiako institutuko jantokiko janarian ere
Aurretik beste eskola batzuetan gertatu bezala Serunion enpresa da zerbitzuaren arduraduna. Murgiako Bigarren Hezkuntzako Institutuak ohartarazi du asteartean lehen platera zerbitzatzeari utzi diotela jantokian, eta... (+)
Arabako ardogintza, agortutako eredua aldatzeko unea?
Igandean eman zitzaion hasiera ofiziala mahats bilketari Araban, Navaridaseko Mahats-bilketaren Jaiaren XXVIII. edizioa eginda. 2023an Jaurlaritzak 15,3 milioiko laguntzak eman dizkio sektoreari, milioika litro ardo... (+)
Zigor espedientea ireki dio Jaurlaritzak Gasteizko Udalari, Gardelegi zabortegian ingurumena kaltetzeagatik
“Zoruen, uraren eta airearen kalitateari” kalte egitea leporatuta abiatu du Eusko Jaurlaritzak espedientea, Arabako Alea-k esklusiban argitaratu duenez. 2018an beste espediente bat ireki zion Jaurlaritzak... (+)
Europako Batzordeak gas kontsumoa %15ean murriztea eskatu die estatuei
Neurriak beren borondatez hartzea proposatu die estatuei, baina egoera okertuz gero derrigortzeko eskumena izatea nahi du. Espainiako Gobernua planaren aurka agertu da. Gasa ordezkatzeko ikatza,... (+)
Asteroko buletina

EMAN HARTURAKO:

Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545

OlatuKoop

Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.

BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

gora