Soroak zor du larrea

ARGIA eta Bizi Baratzea Lurraman egongo dira asteburu honetan

Azaroaren 7tik 9ra Miarritzen ospatuko du bere 20. edizioa Lurrama laborantza herrikoiaren aldeko bestak. Aurten herrialde gonbidatua Euskal Herria da eta ARGIA eta Bizi Baratzea bertan izango dira: mahaia jarriko dute azokan eta Egonarria saioaren zuzeneko emanaldia egingo dute larunbatean, Kanalduderekin elkarlanean.


2025eko azaroaren 05a
Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

"Bihar ere laborari" lemapean urteurren biribila ospatuko du asteburu honetan Lurramak Miarritzeko Irati erakustazokan (Pitchot karrikan). Egitarau oparoa dakar aurtengo festak ere: badira hitzaldiak, etxeko ekoizpenen azoka, etxaldeko lanak egiteko tailerrak, haurrentzat animazioak, landareen gunea, kontzertuak, bertako produktuz prestatutako jakiak... Hemen dago ikusgai egitarau osoa.

Aurtengo Lurramaren afixako irudia.
Argia eta Bizi Baratzea azokan egongo dira asteburu osoan

Ostiral goizetik igande iluntzera azokan egongo da ARGIA eta Bizi Baratzearen mahaia. Bertan aukera egongo da ARGIA astekariaren eta urtaro bakoitzean banatzen den Bizi Baratzea Orriaren kidetzak egiteko, Lurrari loturiko liburuak eta Lurra Herriari Deika kamisetak erosteko...

Jarraian, Lurrama besta hartuko duen Irati erakustazokaren planoa. Azoka bigarren gelan dago kokatua:

Egonarria saioa zuzenean larunbat eguerdian Lurramatik

Eli Pagola eta Mattin Jauregi Egonarria saioko aurkezleak Lurraman izango dira eta bertatik zuzenean kontatuko digute nola doan azoka, eta laborantzako aktualitateko gaiez elkarrizketak egingo dizkiete laborariei eta eragileei. ARGIAk Kanalduderekin elkarlanean egingo du ordubeteko saio honen zuzeneko emisioa: azaroaren 8an, larunbata, 12:00etan hasita. ARGIAren eta Kanalduderen webguneetan izango duzue ikusgai.

Euskal Herriko Laborantza Ganbararekin elkarlana

EHLG Euskal Herri osoan laborantzako erreferente nagusietako bat da. Lurramaren 20. edizioa ardatz hartuta, elkarlana abiatu dute EHLGk eta ARGIAk (Itsaso Zubiriak kontatua du ARGIAren Komunitatea atalean). Harreman horren baitan, EHLGk bere Izar Lorea agerkariarekin batera bazkideei banatu die udazken honetan kaleratu dugun Bizi Baratzea Orriaren hirugarren zenbakia.

Lurrama bestaren bidez Lurrarekiko harremana landu, Euskal Herriko laborariei sustengua eman eta bertako elikagaiak eskuratzeko aukera ederra dugu asteburu honetan. Gustu baduzu, hantxe aurkituko gaituzu.

Buruntza zentral eolikoa ez eraikitzea erabaki du Mendiko Haizie enpresak
2025-11-04 | Estitxu Eizagirre
Buruntza mendian hiru haize errota handi eraikitzeko administrazio baimena eskatu zuen 2024ko abenduan Mendiko Haizie SL enpresak. Andoain, Urnieta eta Lasarte-Oriako lurrei eragingo zien proiektuak.... (+)
Baserritar Bilgunea sindikatu berria: "Lehen sektoreak bat egin beharko luke lurraldearen defentsan"
2025-11-03 | Estitxu Eizagirre
Baserria bizibide duten 50 inguru baserritar, artzain, abeltzain eta nekazari elkartu dira Donostian azaroaren 1ean, Baserritar Bilgunea sindikatu berria jendaurrean ezagutzera emateko. Jakinarazi dute "lehen... (+)
Barakaldo eta Trapagaran herriei eragiten zien zentral eolikoaren proiektua artxibatu bide du Jaurlaritzak
2025-10-30 | Estitxu Eizagirre
Iparaixe II zuen izena proiektuak eta Aspiravi enpresa belgikarrak sustatua zen. Argalario mendian bost haize errota handi eta "ebaketa zentroa" eraiki nahi zituen. Eusko Jaurlaritzak... (+)
Baserritar Bilgunea sindikatu berria azaroaren 1ean aurkeztuko dute jende aurrean
2025-10-29 | Estitxu Eizagirre
Laborantzako sindikatu berriak urriaren 18an egin zuen bere eratze batzarra, Lazkaoko Biziola proiektuan. Larunbata honetan gizarteari aurkeztuko diote sindikatua, "Baserri iraunkorrak, bizitza duinak" lemapean: Donostiako... (+)
"Oiongo alkateak Labrazako eolikoaren obra-lizentzia geldiarazi beharko luke errekurtsoak auzitegietan ebatzi arte"
2025-10-29 | Estitxu Eizagirre
Arabako Mendiak Askek prentsara bidalitako oharrean ohartarazi du Oiongo alkateak Labrazako zentral eolikoaren proiektuari obra lizentzia emango diola. Gogoratu du Labrazako Administrazio Batzarrak proiektua bera eta... (+)
gora