Bizi-baratzea

Buruntza zentral eolikoa ez eraikitzea erabaki du Mendiko Haizie enpresak

Buruntza mendian hiru haize errota handi eraikitzeko administrazio baimena eskatu zuen 2024ko abenduan Mendiko Haizie SL enpresak. Andoain, Urnieta eta Lasarte-Oriako lurrei eragingo zien proiektuak. ARGIAk jakin duenez, enpresak zentral hori ez eraikitzea erabaki du.

Estitxu Eizagirre @eeizagirre

2025eko azaroaren 04a

Buruntza mendiak 442 metro ditu eta egun proiektatzen dituzten makroeolikoek 200 metro inguru.

Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Harrobi bat dago Buruntza mendian, eta zentral eolikoa egitekotan, harrobiko langileen segurtasuna bermatu behar izatea jarri zion Jaurlaritzak baldintza tekniko gisa Mendiko Haizie SL enpresari. Enpresak argudiatu du baldintza horietan proiektua ez dela bideragarria eta beraz, uko egin dio proiektuari.

Buruntza mendi gastatua, aireko irudian. Burdin Aroko herrixka bat dago, 1 zenbakidun gunean.sitioshistoricos.com

Nor da Mendiko Haizie SL?

Mendiko Haizie SL enpresa Erasp Spain SL-ren jabetzako enpresa gisa sortu zen 2023ko uztailean. Baina Erasp Spain-ek geroztik jakinarazi du izena aldatu duela eta Aspiravi Spain SLU dela orain.

Asparavi enpresa belgikarra da Barakaldo eta Trapagarango Argalario mendian Iparaixe II zentral eolikoa eraiki nahi zuena, eta Jaurlaritzak proiektua artxibatu diena, Crónica Vasca hedabideak argitaratu zuen albistearen arabera.

Azken albisteak>>

Baserritar Bilgunea sindikatu berria: "Lehen sektoreak bat egin beharko luke lurraldearen defentsan"

2025-11-03 | Estitxu Eizagirre

Baserria bizibide duten 50 inguru baserritar, artzain, abeltzain eta nekazari elkartu dira Donostian azaroaren 1ean, Baserritar Bilgunea sindikatu berria jendaurrean ezagutzera emateko. Jakinarazi dute "lehen... (+)

Barakaldo eta Trapagaran herriei eragiten zien zentral eolikoaren proiektua artxibatu bide du Jaurlaritzak

2025-10-30 | Estitxu Eizagirre

Iparaixe II zuen izena proiektuak eta Aspiravi enpresa belgikarrak sustatua zen. Argalario mendian bost haize errota handi eta "ebaketa zentroa" eraiki nahi zituen. Eusko Jaurlaritzak... (+)

Baserritar Bilgunea sindikatu berria azaroaren 1ean aurkeztuko dute jende aurrean

2025-10-29 | Estitxu Eizagirre

Laborantzako sindikatu berriak urriaren 18an egin zuen bere eratze batzarra, Lazkaoko Biziola proiektuan. Larunbata honetan gizarteari aurkeztuko diote sindikatua, "Baserri iraunkorrak, bizitza duinak" lemapean: Donostiako... (+)

"Oiongo alkateak Labrazako eolikoaren obra-lizentzia geldiarazi beharko luke errekurtsoak auzitegietan ebatzi arte"

2025-10-29 | Estitxu Eizagirre

Arabako Mendiak Askek prentsara bidalitako oharrean ohartarazi du Oiongo alkateak Labrazako zentral eolikoaren proiektuari obra lizentzia emango diola. Gogoratu du Labrazako Administrazio Batzarrak proiektua bera eta... (+)

EAEko Auzitegi Nagusiak Labrazako makroeolikoen aurkako bigarren errekurtsoa izapidetzeko onartu du

2025-10-27 | Estitxu Eizagirre

Errekurtsoa Labrazako Administrazio Batzarrak aurkeztu zuen, Errioxa Jatorri Deitura Kalifikatuaren Kontseilu Arautzailearekin batera, proiektuaren Plan Bereziaren behin betiko onarpenaren aurka. (+)