Uztailaren bat euritsua bada, hilaren zalantzazkoa izango da.

Zizur Nagusiko hiru eskola publikoentzat jantoki publiko bateratua eraikiko da

Nafarroako Hezkuntza Departamentuak jantoki berri baterako lizitazioari ekin dio Zizur Nagusian (Nafarroa), herriko hiru eskola publikoentzat eskola jantoki bat eraikitzeko. Eskola horietan 1.329 ikasle ari dira gaur egun eta proiektuaren kostua milioi bat eurotik gorakoa izango da, departamentuak osorik finantzatuko duena.


2026ko urtarrilaren 09a
Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Erreniega, Camino de Santiago eta Catalina de Foix dira hiru eskolak eta dagoeneko partekatzen dute espazio bat. Zizur Nagusiko Udalak orube bat utzi dio Hezkuntza Departamentuari eta hor eraikiko da jantoki berria. Lizitazioak eta obraren zuzendaritzak 108.000 euroko kostua izango du. Eraikinak 360 m2 izango ditu eta Hezkuntza Departamentuak finantzatuko du osorik, Nafarroako Gobernuak jakinarazi duenez.

Proiektua 2026an idatziko da eta ondoren ekingo zaie lanei. Eskoletako jantokien kudeaketa enpresei azpikontratatu ohi zaie azken hamarkadetan eta gaur egun ere oraindik haiek dira nagusi zerbitzu horretan, baina azken hamarkadan aldaketak gertatzen ari dira lurraldean.

Aldaketa horien azken urrats handia Nafarroako Gobernuak kaleratutako 58/2024 dekretua da, zeinaren arabera, herrietako eta eskualdeetako jantoki zerbitzuak bultzatzen diren. Horren ondorioz, dagoeneko 38 eskolek izango dituzte gisa horretako eskola jantokiak Nafarroan.

Zerbitzu hobekuntza horrekin, eskola jantokietako eskaintza hobetu nahi da, elikadura osasungarriagoa, bertakoa eta inklusiboa eskainita; eta hainbat eskualdetan azpimarratzen ari denez, ahal den neurrian, baita ekologikoa ere. Leitza eta Araitz-Betelun ere eskualde jantokia egin berri dute, eta arduradunek proiektua nola doan azaldu zuten iragan abenduan Egonarria podcastean.

2025eko abenduan, halaber, dagoeneko ildo horretan ari den Etxarri Aranazko San Donatu eskolako jantokiak Espainiako Gobernuko Gizarte Eskubide, Kontsumo eta Agenda 2030eko Ministerioaren Aparteko jantoki izendapena jaso zuen.

“Ezin da gerra nuklearrik irabazi, eta ezin da inoiz halakorik gertatu”
Xi Jinping, Donald Trump eta Vladimir Putin presidenteek Txinako Shezhen hirian egindako gailurrean ateratako ondorio nagusietakoa da arma nuklearrei buruzko egindako aipamena. Txina, AEB eta... (+)
Hidrogeno zuria: urre beltz berria, amets eta burbuila
Lur azpian pilatzen den hidrogenoari zuria edo naturala esaten zaio, eta hidrogeno hobiak aurkitzeko lasterketa itzela dago munduan barrena. Euskal Herriko lurretara ere iritsi da... (+)
Ez da parke eolikorik eraikiko Araba eta Gipuzkoa arteko Jarindo mendian
Green Capital Power konpainiak eraiki behar zuen, baina uztailean atzera bota zuen proiektua eta Jaurlaritzak ostegun honetan argitaratu den EAEko Aldizkari Ofizialean onartu dio atzera... (+)
Hidrogeno naturala bilatzeko beste bost baimen tramitatzen ari da Jaurlaritza
Hatxebi sozietateak egin zituen eskaerak 2024ko martxoan eta Eusko Jaurlaritzaren Irekian albiste gunean irakurri daitekeenez, gaur egun oraindik tramitazioan ari dira. Hatxebik ingeniaritza zerbitzuak eskaintzen... (+)
6.000 txerriko makroetxalde proiektuak kezka sortu du Eneritzen
Enerizko (Nafarroa) herritarrak udaletxean bildu ziren joan den irailaren 13an eta txerri etxaldearen sustatzaileak proiektuaren ezaugarriak azaldu zizkien. Entzundakoak ez zituen lasaitu Izarbeibarreko herritarrak. (+)
gora