Bizi-baratzea

Hegaztien izenak euskaraz ageri dira mundu mailako datu-base nagusian

Hemendik aurrera, AviList munduko hegazti guztiak biltzen dituen zerrenda ofizialean hegaztiak euskaraz arakatzeko aukera egongo da.

Irati Diez Virto

Elhuyar

2026ko azaroaren 06a

Kurrikoak hegan.

Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

AviList munduko hegazti guztien zerrenda taxonomiko bakar eta bateratua da, eta 2025ean argitaratu zen. Urte bat pasata, hainbat eguneraketa egin dituzte, eta horien artean hegaztien izen arruntak euskaraz arakatzeko aukera gehitzea izan da.

Asier Sarasuak azaldu duenez, AviList proiektuan parte hartzen duen erakunde nagusia Cornell Unibertsitatea da, eta zerrenda osatzeko informazio asko erakunde beraren eBird plataformaren bidez eskuratzen dute. Plataforma horretan, edonork partekatu dezake inguruko hegaztiei buruzko informazioa, eta euskaraz ere erabil daiteke.

Bestetik, Euskal Batzorde Ornitologikoaren baitan lantalde zabal batek munduko hegaztien euskarazko izen arrunten zerrendak eguneratzen eta osatzen ditu 2020. urtetik. Hala, euskarazko izen arruntak aldaketa taxonomikoetara egokitzen dira eta euskarazko izenik ez duten espezieentzat ere proposamenak egiten dituzte.

Beraz, AviList eta eBird plataformen arteko lankidetzari esker, euskarazko hegaztien izendegi osoa AviList datu-basean gorde da.

Azken albisteak>>

Animalia geldoa mundu zoro batean

2026-11-02 | Irati Diez Virto

Mazopa deitzen zaio alborada edo dianetan txistulari-taldeetako kide bakoitzak jasotzen duen diru-sariari, baita itsas ugaztun bati ere; Europako itsas ugaztun txikienari, hain zuzen. Hondarribiko (Gipuzkoa)... (+)

Adardun zaunkari txikia

2026-09-21 | Irati Diez Virto

Ohiturak balioa kentzen dio batzuetan balio handia duenari. Bada zelai bat nire herriaren pare-parean, eta haren ondotik pasatzean, bereziki iltzatzen dut begirada eremu hartara, ongi... (+)

Elikagai-sistema osasungarriago eta jasangarriago batek goitik behera aldatuko luke nekazaritza

2026-07-29 | Elhuyar, Irati Diez Virto

2050erako mundu mailan dieta osasungarriagoa egingo bagenu, produktibitatea handituko balitz, eta elikagai-xahutzea erdira murriztuko bagenu, nekazaritzaren mundu mailako egitura eraldatuko litzateke. (+)

Txunditzen eta beldurtzen gaituen itsas harraparia

2026-07-13 | Irati Diez Virto

Euskal Herrian topatu ditzakegun itsas ugaztunen artean, aurkeztuko dugun animaliak sentimendu kontrajarriak sortu ohi ditu: miresmena eta kuriositatea batzuetan, beldurra besteetan. Orka edo ezpalartari buruz... (+)

Iluntasunean, soinuen bidez txibiak ehizatzen

2026-05-29 | Irati Diez Virto

"Izurdea” edo “balea” esaten dugunean, seguruenik denoi hiruzpalau animalia etorriko zaizkigu burura, beren izena jakin gabe ere: izurde handia, xibarta edo zere arrunta. Komunikabideetan asko... (+)