Bizi-baratzea

Euskal Hirigune Elkargoak alokairuen prezioak mugatu ahal izango ditu tentsiopeko herrietan

Frantziako Etxebizitza ministro Patrice Vergrietek aukera hori iragarri du igandean, Intxausetako solasaldietan. 2025etik aurrera jarriko litzateke indarrean.

Ilargi Manzanares

2023ko abuztuaren 30a

Alokairuan eta zergen inguruan aritu dira Intxausetako solasaldietan. Irudian Patrice Vergriete. Argazkia: Euskadi Irratia.

Vergriete ministroak azaldu du tentsiopean dauden Ipar Euskal Herriko 24 herrietan izango litzatekeela aukera hori, baina Elkargoak beste bost herri sartu nahi ditu, horien artean Senpere. 2025etik aurrera, mugak jarriko litzaioke ezarri daitekeen zenbateko handienari.

Frantzian Airbnb bezalako alokairu turistikoak zergaren gainean %71-ko murrizketa fiskala izan dezakete. Horren aurka hainbat mobilizazio egin dira Ipar Euskal Herrian, askok ezin dutelako etxebizitzarik aurkitu, alokairu turistikoak gora egiten duten bitartean. Ministroa zerga sistema aldatzearen alde agertu da baina legez egin behar dela adierazi du.

Daniel Oltzomendi, Elkargoko turismo saileko lehendakari-ordea, kritiko agertu da alokairu turistikoen abantaila fiskalak desegiteko neurri proposamen ezaren aurrean.

Azken albisteak>>

Nafarroako VIII. Azoka Ekologikoa egingo dute irailaren 15etik 17ra

2023-08-29 | Ilargi Manzanares

Noaingo Zentzumenen parkean egingo da. Nafarroako elikagai ekologikoen merkatu handiena da; gune gastronomikoa, jarduerak, haurrentzako gunea eta gehiago eskainiko dute. (+)

Herriz herri salatu dituzte AHTrako zundaketa asmoak bizikletan

2023-08-28 | Ilargi Manzanares

Sakana, Goierri eta Lautadatik igaro da martxa abuztuaren 25etik 27ra, ekimen, kontzertu eta kontzentrazioekin. (+)

Duela 40 urteko uholdeei emandako erantzun herritarra omendu dute Bilboko Konpartsek

2023-08-28 | Ilargi Manzanares

Elkarlan Uholdea kanpainaren ekitaldi nagusia egin dute larunbatean. Elkarlanari eustera deitu dute, Lurraren beroketaren ondorioz ugaritu litezkeen muturreko klima gertakarien aurrean. (+)

AHTrako zundaketak gelditzeko bizikleta martxak bidean dira

2023-08-25 | Ilargi Manzanares

Abiadura Handiko Trena eraikitzeko zundaketa geologikoen baimen-eskaeren aurka, hainbat taldek bizikleta martxa antolatu dute Sakanan eta Goierrin. Zundaketek kaltetutako lurraldeak zeharkatuko ditu abuztuaren 25etik 27ra. (+)

Euskal Herri osoan alerta laranja ezarri dute tenperatura altuengatik

2023-08-23 | Ilargi Manzanares

Alerta gorria ere jarri dute eskualde batzuetan: zehazki, Bizkaiko eta Gipuzkoako kostaldeetan, Ebro ondoko eskualdean, Bizkaiko eta Gipuzkoako barnealdeetan eta Arabako erdialdean. (+)

Asteroko buletina

ikusi azkenekoa >>