Eguzkiz beterik ere apirila marrantemaile.

Donostiako metroko Mirakontxa-Easo zatiaren lanek %164ko gainkostua dutela salatu dute

Satorralaia plataformak eman du gainkostuaren berri, informazioa Jaurlaritzari eskatutako txosten batetik aterata. Donostiako metroaren Mirakontxa-Easo zatiaren lanak 53 milioi eurotan esleitu ziren, eta egungo aurrekontua 139,4 milioi eurokoa da. Donostiako metro-pasantearen obra orokorrari dagokionez, 2016an 172 milioi euroko aurrekontua zuen, eta egungo aurreikuspena 280 milioi eurokoa da. Gainkostua metroa "kosta ahala kosta" egitearen ondorioa dela salatu du plataformak, herritarrek "behargabekotzat" jotzen badute ere.


2025eko otsailaren 26a
Donostiako Metroa eraikitzeko obrak, artxiboko irudia
Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Metroa eraikitzeko gastuei buruzko informazio eskaera egin zion Satorralaiak Eusko Jaurlaritzari. Urtarrilaren 21ean igorritako dokumentuak Mirakontxa-Easo zatiak sortutako kostuak jasotzen ditu, besteak beste.

Lanak bi fasetan egin direla adierazten du dokumentuak: lehenbizikoa Sacyr, Cavosa, Campezo, Mariezcurrena eta Zubieder enpresek osatutako ABEEren (Aldi baterako enpresa-elkarteak) esku geratu zen, 2017an, 53 milioi eurotako aurrekontuarekin. Azkenerako, 49,2 milioi gastatu zituzten. Baina Zubieta kalean sortutako zuloaren eta "indusketa lanen bi fronteetan ustekabean agertutako hondar eta ur kopuru handien" ondorioz obrak geldiarazi zituzten, eta bigarren faseari beste proiektu batekin ekin zitzaion. Jaurlaritzak Altuna eta Uria, Acciona eta Iza enpresen elkarteei esleitu zizkien obrak, 47,8 milioi eurotako aurrekontuarekin. Baina bigarren fase horren kostua 90,2 milioira igo zen ondoren. 

"Mirakontxa-Easo metro zatiaren aurrekontua 2017ko 53 milioi eurotatik gaur egungo 139,4 milioietara igo da: %164,4ko gainkostua" laburbildu du Satorralaiak. Halaber, "Donostiako metro-pasantearen obraren guztizko aurrekontuaren" gainkostu orokorra ere salatu du: 2016an onartutako proiektuak 172 milioi eurotako aurrekontua bazuen, gaur egun 280 milioi eurotaraino igo da aurreikuspena.

Jakinarazi gabeko emergentziazko obra

Jaurlaritzaren txostenak hiru "emergentziazko obraren" informazioa ere jasotzen du. Lehena 2021eko martxokoa, Easo Plazaren azpian, 5,8 milioiko aurrekontuarekin. Bigarrena 2021eko ekainekoa, Kontxako hondartzaren azpian, 2,7 milioiko aurrekontuarekin. Bi horiek publikoki ezagutarazi ziren bere garaian, baina, Satorralaiaren esanetan, ez txostenak jasotzen duen hirugarrena. 2024ko apirileko obra bati dagokio, 14 milioi euroko aurrekontuarekin, "Erdialde-Kontxako Geltokiaren obragunean" egina. "Eusko Jaurlaritzak eta Donostiako Udal Gobernuak publikoki inoiz informatu ez duten hirugarren emergentziazko egoera bat suertatu zela erakusten du horrek", plataformak salatu duenez.

Hiriarekiko eta auzoekiko jasangarria den garraio publikoaren alde egin du Satorralaiak, "horrelako obra erraldoi eta xahutzailerik egin behar izan gabe". Gainkostuak lanak "hiriko lurpearen baldintzak aintzat hartu gabe" egitearen eta "kosta ahala kosta eraiki nahi izatearen" ondorio direla salatu du.

Emisio gutxiko eremua behin-behinean etetea erabaki du Euskal Hirigune Elkargoak
Frantziako legebiltzarrean Errepublikanoek eta Batasun Nazionalekoek egindako zuzenketen harira dator erabakia. Zuzenketak onartu dituzte, eta, beraz, Euskal Hirigune Elkargoak emisio gutxiko eremua ezartzeko gastu ekonomikorik... (+)
Euskal Herriko II. Ekotopaketak egin dituzte asteburuan, garaiko erronkez eztabaidatzeko
Jauzi Ekosizialeko kideek antolatzen duten bigarren edizioa da. Euskal Herriko trantsizio ekosozialak "inoiz baino premia handiagoa" duela adierazi dute, "datozen aldaketa sakonen aurrean trantsizio justua nahi... (+)
Munduko energia kontsumoaren igoera eragin dute industriaren, AAren datu-zentroen eta bero boladen areagotzeek 2024an
Energiaren Nazioarteko Agentziak (IEA) astelehenean argitaratutako txostenaren arabera, %2,2 igo da energia eskaria 2024an aurreko urtearekin alderatuta, besteak beste, egiturazko arrazoi hauengatik: beroari aurre egiteko... (+)
Amasamendin eolikoak ezartzeko proiektu bat dagoela jakinarazi du Villabonako Udalak
Herriko EH Bilduko zinegotzi eta legebiltzarkide den Ander Goikoetxeak egindako galdera parlamentario bati Jaurlaritzak emandako erantzunaren bidez jaso informazioa hau. Bi haize sorgailu ezartzeko asmoa... (+)
Hasi da AEBetako Greenpeace desagerrarazi dezakeen epaiketa
Greenpeaceko kideak Dakota Acces oliobidearen aurka protesta egiteagatik auzipetu dituzte eta astelehenean aztertu du salaketa Dakotako auzitegiak. AEBko Greenpeacek gaiaren inguruan jasango duen bigarren epaiketa... (+)
gora