Asteroko buletina
Lurraz hazi eta lurrak jan behar.

COP28ko presidenteak dio ez dagoela erregai fosilen erabilera amaitzea eskatzen duen froga zientifikorik

Arabiar Emirerri Batuetako Industria ministro Sultan al-Jaberren arabera, erregai fosilak murrizteak ez du bermatuko garapen jasangarria. Iragan ostegunean, azaroak 30, egin da gailurraren lehen biltzarra eta abenduaren 12an egingo da bigarrena.


2023ko abenduaren 04a

Arabiar Emirerri Batuetako Industria ministro eta COP28 goi-bilerako presidenteak egindako adierazpenek haserrea sortu dute. Izan ere, igande honetan, presidenteak azaroaren 21ean Nazio Batuen Erakundeko ordezkari izandako Mary Robinsonen galdera bati erantzunez egindako adierazpen batzuen berri eman dute, zeinetan presidenteak esan duen ez dagoela froga zientifikorik esateko erregai fosilen erabilera gutxitzeak garapen jasangarria bermatuko duenik. “Planteamendu negazionistekin bat-egitea” leporatu diote askok.

Emakumeak klima aldatzen du egitasmoan eman zuen elkarrizketa ministroak. Robinsonek garbi esan zuen: “Emakumeak eta adingabeak dira krisi honek beste inor baino gogorrago kolpatzen dituen sektoreak, eta hori oraindik erregai fosilak baztertzeko konpromisorik hartu ez izanagatik dator...”. Ildo beretik, COP28ak horri soluzioa eman diezaiokeela adierazi zuen, eta halako erabaki batek “sinesgarritasuna” emango liokeela. Al-Jaberren erantzunak, berriz, ezustean harrapatu zuen: “Ez nago baieztapen alarmistak berresteko moduan. Ez dago zientziarik frogatzen duenik erregai fosilak alde batera uzteak 1,5 graduko muga ez gainditzea eramango gaituela”.

Antonio Guterres NBE Nazio Batuen Erakundeko idazkari nagusiak, ordea, ostiral honetan adierazi du ez datorrela bat Al-Jaberrek egindako adierazpenekin: “Zientzia argia da: erregai fosilak erabat erabiltzeari uzten badiogu soilik lor dezakegu tenperaturaren igoera 1,5 gradura mugatzea. Ez da nahikoa erabilera murriztea; aitzitik, baztertu egin behar dira, epemuga zehatzak jarrita”:

 

Donostiako Basque Culinary Center berriaren obretan sartu dira herritarrak, proiektua salatzeko
SOS Manteo elkarteko kideek azpimarratu dute ez dutela etsiko parkea berreskuratu arte. (+)
Otsailaren 4an ehiza-jardueraren aurka mobilizatzera deitu du NAC plataformak
“No a la Caza” (NAC) plataformak ehiztariek erabiltzen dituzten txakurrak Animalien Ongizaterako Estatuko Legean sartuta egotea exijituko du, besteak beste. Donostian, Bilbon, Iruñean eta Espainiako... (+)
Basque Culinary Center berria eraikitzeko zuhaitzak mozteari ekin diote Donostian
BCCren Donostiako bigarren egoitza eraikitzeari ekin diote aste honetan, eta SOS Manteo elkarteak salatu du astelehen goizean zuhaitzak botatzen hasi direla. Auzotarren arabera, Nafarroa hiribideko... (+)
"Euskal Sagardoa" jatorri deituran zazpi lurraldeetako sagardogileak izendatuko dituzte
Euskal Sagardoaren eremu geografikoa EAEtik zazpi lurraldeetara handitzeaz gain, mugaren bi aldeetako sagar motak ere Jatorri Deituran sartzea adostu dute. Dagoeneko tramitazio guztiak martxan jarri... (+)
Erakunde ekologistek neurri zorrotzak eskatu dizkiete administrazioei plastikozko bolatxoei aurre egiteko
Abenduaren 8an Portugalgo itsasoan zama galdu zuen itsasontziaren plastikozko bolatxoak dagoeneko Euskal Herrira iristen hasi dira. Erakunde ekologistek uste dute “premiazko neurri zorrotzak” hartu behar... (+)
Asteroko buletina

EMAN HARTURAKO:

Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545

OlatuKoop

Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.

BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

gora