Bizi-baratzea

Estitxu Eizagirre @eeizagirre

2025eko urriaren 30a

Argalario mendian Aspiravi enpresa belgikarrak sustatutako Iparaixe II proiektuaren maketa.

Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

EAEko Aldizkari Ofizialaren iragarki honetan –2025eko urtarrilekoa, proiektuaren aurretiazko administrazio-baimen eta ingurumen-inpaktuaren adierazpenaren eskaera egin zuenekoa– irakur daitezke Iparaixe II izeneko proiektuaren ezaugarri orokorrak zein ziren: bost aerosorgailu jarri nahi zituzten Barakaldo eta Trapagaran udal-mugarteetan, eta 25 milioi eurotik gorako aurrekontua zuen. Enpresa eskatzaile moduan Erasp Spain SLU agertzen da, baina enpresa honek geroztik jakinarazi du izena aldatu duela eta Aspiravi Spain SLU dela orain. Izen aldaketa "hazkunde estrategiaren eta Aspiravi markaren garapen naturalaren" ondorioz eman dela azaldu du.

Crónica Vasca hedabideak zabaldu duen albisteak dio haize errota bakoitzak 150 metroko altura izatea aurreikusten zutela.

Aurrez aurka agertu ziren Bizkaiko Aldundia eta Barakaldoko Udala

Iragan apirilean Bizkaiko Foru Aldundiko Natura Ondarearen zerbitzuak proiektu honen aurkako txostena egin zuen, proiektuak ingurumenean eragin "kritikoak" izango lituzkeela eta biodibertsitatea zaintzearekin "bateraezina" litzatekeela argudiatuta.

Barakaldoko Udala osatzen duten alderdi ia denek (PPk ezik) ere gaitzetsi zuten proiektua: 2023ko azaroan oharra kaleratu zuen udalak Iparaixe II egitasmoaren aurka zegoela adieraziz, Trianoko mendietako –Argalario mendia kokatzen den mendilerroa– "ingurumen balioekin" duen "konpromiso sendoa" medio. Osoko bilkuran Barakaldo Naturala plataformak aurkeztutako mozioa onartu ostean kaleratu zuen oharra Barakaldoko Udalak. Mozioaren alde bozkatu zuten EAJ, PSE, Elkarrekin Podemos eta EH Bildu alderdiek, eta aurka PPk.

Aspiravi, eta bere filiala den Mendiko Haizie

Aspiravi enpresa %100 belgiarra dela iragartzen du enpresak bere webgunean. Hango 94 udal dira bazkide eta 13.000 herritar kooperatibista. Beheko mapan erakusten ditu martxan dituen proiektuak, gehienak Belgikan.

Aspiraviren filiala da Mendiko Haizie enpresa, besteak beste Andoainen (Gipuzkoa) Buruntza zentral eolikoaren proiektua sustatu duena.

Azken albisteak>>

"Fruta arbolak bermatzen du zer jana izango dugula"

2025-12-01 | Estitxu Eizagirre

Bertsoak, azalpenak, ilustrazioak eta umorea uztartu zituzten Jakoba Errekondok, Antton Olariaga eta Maddalen Arzallusek Biriatun, III. Arbolaren Bestan, 2026ko Ilargia eta Landareak agenda aurkezteko ekitaldi... (+)

Azaroaren 29an Biriatun fruta arbolen ekitaldi berezia

2025-11-28 | Estitxu Eizagirre

Arbolaren Bestaren hirugarren edizioa izango da azaroaren 29an Biriatun. Tokiko arbola, fruitu arbola eta landare ekoizle txikien merkatua izango da egunaren ardatza. Horrez gain, hainbat ekimen... (+)

Laborantza eta Iparraldea, aurtengo saridunetan nabarmenduak

2025-11-27 | Estitxu Eizagirre

37. Rikardo Arregi Kazetaritza sariak banatu dituzte azaroaren 26an Andoainen. Jakoba Errekondok jaso du Ohorezko Mugarria saria, Euskadi Irratian eta ARGIAn baratzeari buruz urteetan egindako... (+)

Utzi izaten, utzi pasatzen

2025-11-23 | Estitxu Eizagirre

Norberaren inguruko mendietan haize errotak jarri behar diren edo biodibertsitatearen mesedetan bakean utzi behar diren, horra egungo dilema. Lurraldea enpresa multinazionalek, edo aitzitik, naturak okupatuko... (+)

Bermeo, Meñaka eta Arrietako landa-guneetatik 500 metrora egin nahi duten Sollube-gane proiektu eolikoaren aurkako alegazioak aurkeztu dituzte

2025-11-11 | Estitxu Eizagirre

Sos Sollube herri-plataformak Sollube-gane proiektu eolikoaren aurkako 3.000 herri alegaziotik gora aurkeztu ditu azaroaren 10ean Bilbon, Industria Administrazioaren Bizkaiko Lurralde Ordezkaritzaren aurrean. Grupo Arena enpresak... (+)