Aurten xorien migrazioa berantago iritsi da: Europako iparraldeko beroak espezie askoren abiatzea gibelatu du, eta horrek gure eskualdeko lepoetan ere migrazioaren erritmoa aldatu du.
Ipar Euskal Herriko lau euskal irratik osatzen dute Euskal Irratiak sarea: Gure Irratia, Irulegiko Irratia, Antxeta eta Xiberoko Botza - Radios basques.
Uztailean hasten da xorien migrazioaren sasoia, eta urriaren erdialdean izaten du bere momentu gorena.
Urtero bezala, uztailean hasten da xorien migrazioaren sasoina, eta urriaren erdialdean izaten du bere momentu gorena. Hala ere, aurten mugimendu hori berantago iritsi da. Europako iparraldean izan diren tenperatura altuek espezie askoren abiatzea gibelatu dute, eta horren ondorioz, gure eskualdeko lepoetan ere migrazioaren erritmoa aldatu da.
Ondorioz, ehiztarien federakuntzak bi asteko berantarekin hasiko ditu aurten xorien kontaketak Sarako, Bankako, Urrunako eta Arnegiko gainetan —urriaren 22tik azaroaren 18ra bitartean.
Benat Iribarnek azaldu duenez, beroketa klimatikoaren eragin zuzena da fenomeno hau. Azken urteetan gero eta ohikoagoa da espezieen migrazioa berantago hasten dela ikustea, tenperatura altuek eta eguraldiaren aldaketek eraginda.
Bestalde, teknologia berriek, hala nola GPS gailuek, aukera ematen dute xorien mugimenduak hobeki ulertzeko eta jarraitzeko. Horri esker, ikertzaileek datu zehatzagoak lortzen dituzte migrazioaren iraupenaz, bideez eta baldintzez.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Bidelagun
cc by-sa
Sareko kide
Ekoedizioaren Institutuko bazkide
