Europako Batzordeak ez du araurik ezarriko garraiobiderik kutsakorrenetakoa de hegaldi pribatuen inguruan 2024ko maiatza arte, nahiz eta krisi klimatikoa geroz eta larriagoa izan.
Hegazkin pribatuen hegaldiak Europar Batasunean araudi orokor bat gabe jarraitzen dute, nahiz eta azkeneko urtetan mugitzeko modu horrek ekarri duen kontaminazioa bost bider handitu den. Hurrengo legegintzaldia iritsi arte, 2024ko maiatzean, aldaketarik egingo ez dituztela esan du Europar Batzordeak.
Garraiobiderik kutsakorrena
Jet pribatuena bidaiari bakoitzeko gehien kontaminatzen duen garraiobidea da, Greenpeacek iaz argitaratu zuen txosten baten arabera. Hegazkin pribatuen erabilera 2022 urtean %64 igo zen, urtean 572.806 hegaldira iritsita. Hala ere, arau berezirik ez zaio jarri jeten erabilerari, eta berotegi-efektuko gasen emisioak arautzen dituzten legeetatik kanpo daude.
Austriak, Belgikak, Frantziak, Herbehereak eta Irlandak hegaldi horiek mugatu nahi dituzte, eta Frantziak jada hegaldi lokalak mugatu ditu, bidaia trenez egin ahal bada bi ordu eta erdi baino gutxiagoko tartean.
Ekologisten aurkakotasuna
Duela bi aste, Jetak gure etorkizuna erretzen ari dira, gure planetarekin amaitzen eta desberdintasuna elikatzen lelopean, hainbat talde ekologista elkartu ziren Hegazkintza Komertzialaren Esposizio eta Bilera Europarrean, Suitzan, Ginebrako aireportua blokeatzeko. Greenpeace, Stay Grounded, Extinction Rebellion eta Scientist Rebellion izan ziren taldeetako batzuk, eta kutsadura eta dirudunen hipokrisia salatu zuten, krisi klimatiko eta sozialaren testuinguruan hegaldi pribatu garesti eta kaltegarrien kopurua gora ari dela eta.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Bidelagun
cc by-sa
Sareko kide
Ekoedizioaren Institutuko bazkide
