Lantxerra (lanbroa) martxoan noraino, apirilean elurra haraino.

Itsasoko haize errotek dakarten “dilema ekologikoaz” ohartarazi du Europako Kontu Auzitegiak

Europako erakundearen esanetan itsasoan eraikitako eolikoek ingurumena kaltetu dezakete eta Europako Batzordeak ez ditu kalte horiek aintzat hartu "energia urdina" garatzeko bere estrategiaren barruan. 2050. urtean Europako itsasasaldean instalatutako potentzia 340 GWkoa izatea nahi dute, gaur egungo 16 GWkoaren aldean.


2023ko irailaren 21a
Itsasoko haize errotekeragindako ingurumen kalteak kontuan ez hartzea egotzi diote Europako Batzordeari. Argazkia: Pexels / Enrique
Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Itsasoko ekosistemak ez daude energia berriztagarrien sukarretik salbu eta Europar Batasuneko herrialdeek uretan haize errotak eta bestelako teknologiak ezartzeko esku artean dituzten plangintzak dira horren erakusgarri.

Europar Kontu Auzitegiak txosten berezia egin du itsas energiaren garapenak ekar ditzakeen ondorioen inguruan; horretarako hainbat herrialde auditatu ditu –tartean Espainiako eta Frantziako estatuak– eta bere hitzetan azterketak ondorio "anbiguoak" utzi ditu.

Zehazki, erakunde horren arabera haize errotak eta bestelakoak masiboki eraikitzeak "dilema ekologiko" bat ekarriko du. Dioenez, "energia urdina" delakoa gakoa omen da "EBko trantsizio ekologikoarentzat, baina bere garapenak itsasoko ingurumena kaltetu dezake".

Europako Batzordeari errieta egiten dio, bere planean ez dituelako ondorio horiek baloratu, hala nola espezieen mugimenduak, populazioetan sor ditzaketen egiturazko aldaketak, edo migrazio patroiak. Auditatzaileen kezka da "itsasoko energia berriztagarria kaltegarria izatea itsas ingurumenarentzat, bai itsasoko mailaren azpitik zein gainetik".

Bestalde, itsasoan gizakiak dituen beste jarduera batzuekin elkarbizitza zaila ikusten die eolikoei, arrantza sektorearekin kasu, eta gatazkak sor daitezkeela ohartarazi du.

Auditatzaileen kezka da "itsasoko energia berriztagarria kaltegarria izatea itsas ingurumenarentzat, bai itsasoko mailaren azpitik zein gainetik"

Hornidurari dagokionez ere itzalak dira nagusi txostenean. Eolikoak eta antzeko azpiegitura teknologikoak sortzeko beharrezkoak diren lehengai ia guztiak gaur egun Txinak hornitzen ditu, "eolikoen turbinek duten sorgailuentzako imanak produzitzeko paper giltzarria dauka", esaterako;  menpekotasun horrek botila-lepoak sor ditzakeela dio.

"Itsas-espazio itzel bat"

Kontu auzitegiaren esanetan 2007. urtetik EBko aurrekontuek 2.300 milioi euro jarri dituzte itsasoan eolikoen eta bestelako metodoen bidez energia sortzeko. Gainera, Europako Inbertsio Bankuak beste 14.400 milioi euro jarri ditu.

Baina Europako Batzordearen helburuak betetzeko –gaur egungo 16 GWtik 340 GWra pasa nahi du 25 urtetan– "itsas-espazio itzel bat beharko da eta gutxi gorabehera 800.000 milioi euro, gehienean inbertsio pribatutik etorriko direnak". Auditatzaileen esanetan, "halako helburuak betetzea ez da erraza".

Auditaturiko herrialdeen artean diferentzia nabarmenak daude. Herbehereetan eta Alemanian, esaterako, aspaldi hasi ziren itsas eolikoak eraikitzeko planak abian jartzen. Aldiz, Frantziako eta Espainiako estatuak geldoago doaz.

Txostenean agertzen diren mapen artean, euskal kostaldea da nabarmenduetako bat –Armintzako kostaldean itsasoan eraikitako airesorgailu bat energia-sarera konektatu dute egunotan–. Mapan ageri denez, Armintzakotik ez oso urruti, eremu askoz zabalago batean planifikaturik dago itsas energia berriztagarrien "entsegu zentro" bat instalatzea.

Turiel: “Bilatu daitezke arrazoi teknikoak, baina itzalaldia prezioen sistema perbertsoak eragin zuen”
2025-05-09 | Urko Apaolaza Avila
Antonio Turiel fisikari eta CSICeko ikerlariak aspaldiko urteetan ez bezala bete zuen Hernaniko Florida auzoko San Jose Langilearen eliza asteazkenean. Zientoka lagun elkartu ziren Urumeako... (+)
Memoriaren herbarioak
2025-04-30 | Urko Apaolaza Avila
Oraindik ikusgai dago Donostiako San Telmo museoan Memoriaren Basoak erakusketa, maiatzaren 11ra arte. Totalitarismoek gizartea kontrolpean hartzeko erabiltzen dituzten metodo eta tekniken inguruko hausnarketa bat... (+)
Energiaren Nazioarteko Erakundeak zentral nuklearrak irekita mantentzeko eskatu dio Espainiako Gobernuari
2025-04-09 | Urko Apaolaza Avila
Alemanian zentral nuklearren itxierak izan duen “eragin negatiboa” kontuan izateko eskatu dio erakunde horretako buru Fatih Birolek Pedro Sánchezen exekutiboari. Iberdrola, Naturgy eta Endesa multinazional... (+)
Ekologismoaren kontrako oldarraldia AEBetan: Greenpeace 660 milioi euro ordaintzera zigortua
2025-03-20 | Urko Apaolaza Avila
Dakota Access oliobidearen kontrako protestengatik zigortu du Ipar Dakotako epaimahai batek erakunde ekologista, Energy Transfer Partners enpresak salaketa jarri ostean. Standing Rockeko sioux tribuak protesten... (+)
Nola eragingo die AEBen eta Europaren arteko norgehiagokak Euskal Herriko produktuei?
2025-03-13 | Urko Apaolaza Avila
Europako Batzordeak 26.000 milioi euroren inportazioak zergapetuko ditu apirilaren 1etik aurrera, Donald Trumpek altzairuari eta aluminioari ezarritako muga-zergei erantzunez. Enbido-komertzialek jarraitzen badute, Euskal Herrian lehen... (+)
gora