AEBetako ikertzaile-talde batek 62 giza karena edo plazenta analizatu ditu, gas-kromatografia eta masa-espektrometria baliatuta, eta frogatu du lagin guztietan mikroplastikoak zeudela. Toxicological Sciences aldizkariak argitaratu du ikerketa. Haren arabera, karen batzuetatik besteetara mikroplastiko-kontzentrazioa asko aldatzen da, baina den-denetan aurkitu zuten polimero sintetikoren bat.
Giza karenaren ilustrazio historikoa. Argazkia: \"An atlas of human anatomy for students and physicians\" (1903) / Jabego publikoa
Aurkitu duten plastikorik ohikoena eta ugariena polietilenoa da: aurkitutako plastikoen % 54a izateaz gain, lagin guztietan zegoen. Ondotik zetozen polibinil kloruroa eta nylona (%10 haietako bakoitza), eta geratzen den % 26a beste 9 polimerok osatzen zuten.
Ikertzaileek ondorioztatu dute erabili duten metodoa egokia dela mikroplastikoak identifikatzeko eta kuantifikatzeko horrelako ehunetan, eta espero dute erabilgarria izango dela arrisku toxikologikoa aztertzeko.
Aurretik egindako hainbat ikerketatan beste giza laginetan ere aurkitu izan dira mikroplastikoak, hala nola odolean, hesteetan… eta bizidunentzat kaltegarriak direla ere frogatu dute beste zenbaitetan.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.
