Bizi-baratzea

Julene Flamarique

2024ko abenduaren 17a

Hala utzi du Chidok Mamoudzou, Mayotteko kapitala

Chido zikloi tropikalak Mayotte uhartea astindu du igandean, Indiako Ozeanoan dagoen kolonia frantziarra. Behin-behineko datu ofizialen arabera, gutxienez 21 hildako eta 250 zauritu utzi ditu. Hala ere, hildakoen kopuruak gora egingo duen beldur dira agintariak, eta milaka izan daitezkeela aurreikusi dute, François-Xavier Bieuville prefektuak ohartarazi duenez.

220 km/h baino abiadura handiagoko haize-boladekin, Chidok kalte larriak eragin ditu uharteko funtsezko azpiegituretan; hala nola ospitalean, eskoletan eta etxebizitza ugaritan, bereziki txabola auzoetan, non suntsipena “erabatekoa” izan den. Haize bortitzek artxipelagoa suntsitu dute, etxebizitzak txikituz, sabaiak erauziz, poste elektrikoak eta zuhaitzak botaz. Mayotteko 320.000 biztanleen herena bizi den “etxebizitza prekarioak erabat suntsituta geratu dira”, Bruno Retailleau Frantziako Barne ministroak azaldu duenez.

Larrialdiak bere horretan jarraitzen du, nahiz eta alerta gorria igande arratsaldean kendu duten. 15.000 etxe baino gehiago argindarrik gabe daude, komunikazioak prekarioak dira eta irlaren zati handi bat inkomunikatuta dago; horrek biktimen zenbaketa zailtzen du. Frantziako Gobernuak “premiazko neurriak” hartuko dituela adierazi du; Estelle Youssouffa diputatuak, berriz, larrialdi egoera deklaratzea eskatu du, armada eramateko.

Mayottetik igaro ostean, Mozambikeko iparraldera jo du zikloiak, eta kalteak eragin ditu etxebizitzetan, eskoletan eta osasun azpiegituretan, bereziki Cabo Delgadon eta Nampulan.

Azken albisteak>>

Bi presa kendu dituztenetik, izokina Bidasoatik Baztanera heltzen hasi da

2024-11-28 | Julene Flamarique

Hobekuntza horiekin izokinak eta beste espezie migratzaile batzuek erruteko eremu optimoak lortzea eta bizirik irauteko aukerak handitzea espero da. Europako funtsekin finantzatutako jarduera da, Life... (+)

Gutxienez 2027ra arte atzeratu dituzte berriro ere AHTren obrak EAEn

2024-11-27 | Julene Flamarique

2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak;... (+)

Latinoamerikaren eta Euskal Herriaren arteko harremanak sendotzen: trantsizio ekosozialaren inguruko eztabaidak Bizkaia Aretoan

2024-11-11 | Julene Flamarique

Latinoamerikako hainbat herri-eragiletako hamabost bat kide izango dira Bizkaia Aretoan azaroaren 14an eta 15ean Latinoamerikako Multinazionalen Behatokia OMAL-ek antolatutako topaketetan. Ekintza guztiak trantsizio ekosozialarekin lotutako... (+)

Caparrosoko makroetxaldea salatu zuten Greenpeaceko kideen aurkako epaiketa atzeratu dute

2024-10-24 | Julene Flamarique

Valle de Odieta etxalde erraldoiaren kontrako ekintza 2021ko martxoan egin zuen Greenpeacek, Nafarroan. Makroetxaldeak 79 txahal gaixotzea leporatzen die ekologistei, orain Greenpeaceren defentsak salaketa ezeztatzen... (+)

Greenpeacek salaketa aurkeztu du Urdaibaiko Guggenheimen aurka, Kosta Legea urratzen duela eta

2024-10-23 | Julene Flamarique

Auzitegi Nazionalean aurkeztu du salaketa eta “proiektua berehala eten dezaten” galdegin du. Bi lege urratzen dituela ohartarazi du: Kostaldeko Legea eta Europako Legea, Red Natura... (+)

Chido zikloiak Mayotte uhartean milaka hildako eragin dituela kalkulatu dute

Azken albisteak>>