Asteroko buletina
Koniflora ere irain fina da.

Zubietako Erraustegira martxa egingo dute larunbatean Lasartetik abiatuta

Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.


2024ko maiatzaren 17a
2018an erraustegira egindako martxa. (Argazkia: Ibai Arrieta / ARGIA CC by-sa)

Gipuzkoako agintariei Zubietako erraustegia gelditzeko eskatuko diete, eta ez dezatela hondakin gehiago erre, “ez Zubietan, ez Añorgan, ez Bergaran eta ez beste inon”. Donostia Bizirikek, Eguzkik eta Ekologistak Martxanek ere erraustegiko ateetaraino egingo den ibilaldira joateko deia egin dute.

Erraustegia 2020ko abenduan inauguratu zuten eta orduz geroztik EAMk hainbatetan salatu du bere izaera, besteak beste zaborrak erretzea ez delako irtenbiderik hondakinen kudeaketan, baita ingurumena kutsatzen duelako ere.

Erraustegia abian jarri zenetik EAMk kutsaduraren kontrol herritarrari ekin zion eta orduz geroztik hainbatetan egin ditu lagin bilketak Herbehereetako ToxicoWatch fundazioaren bidez. Orain bost urte horietan bildutako datuekin egindako ikerketaren emaitzaren berri emango dute hainbat emanalditan.

Lehenengoa larunbat honetan bertan egingo da Hernanin, eta ToxikoWatcheko ordezkari Abel Arkenbout eta Kirsten Boumanek egindako ikerketaren ondorioak azalduko dituzte 18:00etan Sandiusterri aretoan. Hilaren 27an Usurbilen egingo da aurkezpena. Eta hirugarren bat Gipuzkoako Batzar Nagusietan, bertako Jasangarritasun Batzordeak aho batez onartu ondoren; data, hala ere, finkatu gabe dago oraindik.

2022an Zero Waste Europe-k (ZWE) Espainia, Txekia eta Lituaniako hiru erraustegiri buruz argitaratu zuen ikerketak egiaztatu zuen instalazio horien inguruetan kutsadura maila handia dagoela, eta hori arriskutsua dela ingurumenerako eta gertu bizi diren pertsonen osasunerako.

2x21: Manuelarekin arrantzan | Manuela Jauregi
2024-06-07 | Bizi Baratzea, ARGIA
Manuela Jauregik olagarroa eta eguneko arraina harrapatzen ditu Manuela itsasontzian, eta Getarian saltzen du. Mattin Jauregirekin mintzatu da olagarroa gutxitzen ari dela, itsasoan aldaketa handiak... (+)
2x20: Zer egosten da Europan? | Iker Elosegi (Euskal Herriko Laborantza Ganbara)
2024-05-29 | Bizi Baratzea, ARGIA
Egonarria saioan askotan atera da laborantza ereduen arteko talka, laborantza industriala dela goiko erakundeetatik bultzatzen dena eta aldiz, agroekologia dela Euskal Herriko laborari txiki askok... (+)
2x19: Ibaietako egoera, arrainak, ekosistemak | Arturo Elosegi
2024-05-23 | Bizi Baratzea, ARGIA
Hitz egin dugu baratze inguruko intsektuez. Ura premiazkoa da elikagaiak sortzeko, eta proiektu asko dira erreken inguruan martxan jartzen direnak. Eta baita ere elikagai bila... (+)
2x18: Kubako lehen sektorea, ezinbestean agroekologikoa | Amets Ladislao
2024-05-15 | ARGIA, Bizi Baratzea
Amets Ladislao Kuban egon berri da bertako laborantza eredua eta elikadura sistema ezagutzen. Blokeoa dela eta, Sobiet Batasuna (SESB) erori zenean pestizida eta ongarri kimikorik... (+)
Alternatiba ekosozial justua aldarrikatu dute Iruñean eta Bilbon
2024-05-13 | ARGIA
Maiatzaren 11n egin dira mobilizazioak eta Euskal Herriko Eskubide Sozialen Kartak, Emakumeen Mundu Martxak eta Gune Ekosozialistak antolatu dituzte. 60 eragile sozial baino gehiagok bat... (+)
Asteroko buletina

EMAN HARTURAKO:

Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545

OlatuKoop

Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.

BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

gora