Asteroko buletina
Puzker handia kakagura, izotz handia elur-gura.

Azaroaren 30eko grebaren alde “Kontuz! AHTrekin ez dago zaintza lanik!” kanpaina burutu du AHT Gelditu!-k

Hamar euroko billeteak zabaldu dituzte Iruñeko Merkatuan, haien mezuarekin.


2023ko azaroaren 28a
Argazkia: Ahotsaren bideo-kaptura

AHT Gelditu!-k azaroaren 30eko greba feminista orokorraren aldeko kanpaina burutu du, eta kideen mezua igorri du hamar euroko bileteen bidez. Ehunka billete bota dituzte lurrean, eta hartu eta ireki dituztenek kanpainaren mezua duen pegatina aurkitu dute barruan: Kontuz! AHTrekin ez dago zaintza lanik.

Ekimena Iruñeko Merkatuan egin dute, eta mugimenduko kideek nabarmendu dute beste gizarte-premia batzuk “lehenestearen beharra” AHT bezalako azpiegitura handietan egindako inbertsioaren gainetik, esaterako gizarte-zerbitzuak, lehen sektorea, hezkuntza edo kultura.

Halaber, azpimarratu dute AHTak “natur ondarea saldu eta suntsitzen” duela. Gaineratu dute, ironiaz, “ez dakitela” diru hori “zeren truke” jaso den, eta baieztatu dute diru publikoz hornituriko Europako COVID-19 osteko funtsetatik eskuratzen dela: “Zuzenean ala zeharka zaintzarekin harremana duten esparruetatik, alegia”.

 

Ur botilen enpresa batzuen praktika ilegalak salatu dituzte Frantzian
Ikerlariek jakinarazi dutenez, Nestlé enpresak bere uraren kutsadura estali du, eta debekatutako garbiketa metodoak erabili ditu.   (+)
Borondatezko CO2 merkatu bat sortu nahi dute EAEn
Euskal enpresei, haien karbono aztarna gutxitzeko, aukera eskainiko zaie basozain txikien zuhaitzen karbonoa erosteko. (+)
Ikastetxeetan jantoki-zerbitzua ematen zuen Serunion enpresari kontratua eten dio Jaurlaritzak
Ikasturtean zehar enpresaren jantoki-zerbitzuak hainbat ikastetxeetan sortutako “arazoengatik” eten dute kontratua. (+)
Arrantzaleak haserre agertu dira arrantza debekuarekin
Bizkaiko Golkoko uretan arrantza debekatu dute hilabetez, izurdeak babesteko. Arrantzaleek prezioen igoera aurreikusi dute, eskaintzak behera egingo duelako. Talde ekologistak neurriaren alde agertu dira. (+)
Arraste arrantzak berotze globala bultzatzen duela ondorioztatu du ikerketa batek
Adituek jakinarazi dutenez, arrastre arrantzak itsasoan karbono dioxido gehiago askatzen du munduko herrialdeen gehiengoak urtero baino. (+)
Asteroko buletina

EMAN HARTURAKO:

Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545

OlatuKoop

Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.

BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

gora