Bizi-baratzea

Ur botilen enpresa batzuen praktika ilegalak salatu dituzte Frantzian

Ikerlariek jakinarazi dutenez, Nestlé enpresak bere uraren kutsadura estali du, eta debekatutako garbiketa metodoak erabili ditu.

Mattin Azpiroz Pagola

2024ko urtarrilaren 30a

Le Monde hedabideak eta Radio Francek egindako ikerketa batek ur-botilen industriako irregultarasunak agerian utzi ditu. Nestlé enpresa ezagunean jarri dute fokua. Jakinarazi dutenez, enpresak bere uraren kutsadura ezkutatu du eta debekatutako garbiketa-metodoak erabili ditu. Ikerlariek honen berri izan dute Sources Alma taldeak −botilaratutako ur-marka batzuen ekoizleak− egindako salaketa baten ondorioz. Nestlék kudeatzen ditu S. Pellegrino, Vittel, Perrier eta Acqua Panna ur botilen enpresak.

Nestlék bere uren garbitasuna bermatzeko araudiak urratu dituela onartu du. Ikerketaren arabera, botilaratutako uraren %30ari eragin diezaieke gutxienez legez kanpoko praktika horrek. Hala ere, gobernuak ez die auzitegiei edo Europako agintariei informaziorik eman. Albisteak zalantzan jarri du kontsumitzaileek botilako uraren kalitatean duten konfiantza, urteetan iturriko ura baino aukera garbiago eta osasungarriago gisa merkaturatu baita.

Azken albisteak>>

Borondatezko CO2 merkatu bat sortu nahi dute EAEn

2024-01-30 | Mattin Azpiroz Pagola

Euskal enpresei, haien karbono aztarna gutxitzeko, aukera eskainiko zaie basozain txikien zuhaitzen karbonoa erosteko. (+)

Ikastetxeetan jantoki-zerbitzua ematen zuen Serunion enpresari kontratua eten dio Jaurlaritzak

2024-01-25 | Mattin Azpiroz Pagola

Ikasturtean zehar enpresaren jantoki-zerbitzuak hainbat ikastetxeetan sortutako “arazoengatik” eten dute kontratua. (+)

Arrantzaleak haserre agertu dira arrantza debekuarekin

2024-01-22 | Mattin Azpiroz Pagola

Bizkaiko Golkoko uretan arrantza debekatu dute hilabetez, izurdeak babesteko. Arrantzaleek prezioen igoera aurreikusi dute, eskaintzak behera egingo duelako. Talde ekologistak neurriaren alde agertu dira. (+)

Arraste arrantzak berotze globala bultzatzen duela ondorioztatu du ikerketa batek

2024-01-19 | Mattin Azpiroz Pagola

Adituek jakinarazi dutenez, arrastre arrantzak itsasoan karbono dioxido gehiago askatzen du munduko herrialdeen gehiengoak urtero baino. (+)

Zaldibarko zabortegira hondakinak baimenik gabe isurtzeagatik Lapurdiko bi enpresa zigortu dituzte

2024-01-19 | Mattin Azpiroz Pagola

Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa. (+)

Asteroko buletina

ikusi azkenekoa >>