Bizi-baratzea

Urko Apaolaza Avila @urkoapaolaza

2023ko irailaren 13a

Nafarroan 262 gasolina-zeerbitzugune daude, irudian Tuterakoa. Argazkia: Navarra Estaciones

Auto elektrikoen salmenta eta erabilera bultzaka datozela nabarmendu dute, hizki larriz, mundu osoko hedabide eta arduradun politikoek. Berrikitan, Energiaren Nazioarteko Agentziaren buru Fatih Birolek esan du petrolioaren munduko "eskaera gailurra" laster iritsiko dela, energia eolikoaren eta auto elektrikoen produkzioaren hazkuntzagatik –ekuazio horretan ordea ez du sartu peak oil edo petrolio gordinaren eskaintza gailurra, adituen arabera aspaldi jo genuena, 2005ean zehazki–.

Hala, teoria horren arabera, energiaren deskarbonizazioan eta trantsizio horretan giltzarri izango omen da auto elektrikoa. Baina gaur egun, elektrikoek oraindik apenas suposatzen dute automobil guztien %5 herrialde gehienetan, eta 2030. urterako %15 izatea aurreikusten da.

Haatik, garapen horrek muga asko dituela ikusten ari gara, eta ez soilik bateriak egiteko edo elektrizitatea lortzeko beharrezkoak diren mineral eta energia fosilen xahuketari dagokionez. Logistika ere ez dago bermatuta etorkizunera begira, auto elektrikoen errekarga lekuak errentagarritasun urrikoak izaten segitzen dutelako gasolindegien jabeentzat.

Nafarroako Gasolina-Zerbitzuguneen Enpresarien Elkarteak antolatutako jardunaldi batean, Iruñean, Espainiako Estatuko Gasolina-Zerbitzuguneetako Enpresarien Konfederazioko buru Nacho Rabadánek aitortu du "ezinezkoa" izango dela jarritako helburuak lortzea, horrek "frustrazioa" eragin arren herritarren artean.

Diario de Noticias egunkariak jaso ditu Rabadánen hitzak. Auto elektrikoa errekargatzera joaten den bezeroaren profil berezia nabarmendu du: eros ahalmen handikoa, "auto bakoitzeko batez beste 42.000 euro gastatu dituena" eta "ingurumenarekiko arduratsua". Baina profil hori, apenas dago gasolindegietan, eta errekarga gune publikoak martxan dauden denbora osoaren %4 baino ez dira erabiltzen: "Ezinezkoa da errentagarria izatea negozio pribatu batentzat".

Azken albisteak>>

Guggenheim Urdaibairi loturiko bide baten obrak geldituta daude, helegite baten ondorioz

2024-10-17 | Urko Apaolaza Avila

Eusko Jaurlaritzak epe mugarik gabe gelditu du Muruetan egitekoa zen oinezkoentzako egurrezko pasabide baten exekuzioa, Guggenheim Urdaibai Stop plataformak helegitea jarri ondoren. Museoaren sarbideetako bat... (+)

Proiektu eraldatzaileen bilgune izango da Oiartzun hiru egunez, burujabetzak eta trantsizio ekosoziala ardatz

2024-10-10 | Urko Apaolaza Avila

Urriaren 17tik 19ra Burujabetzak izeneko jardunaldiak antolatu dituzte Oiartzun Burujabek eta Udalbiltzak. Tokiko esperientzia eraldatzaileak ezagutzeaz gain, Gironako alkate Lluc Salellasek eta CUPeko parlamentari-ohi Mireia... (+)

Europako legea bete eta degradatutako natur guneak leheneratzea eskatu diote Jaurlaritzari

2024-10-10 | Urko Apaolaza Avila

Europar Batasunak abuztuan onartutako araudi baten arabera, 2030erako degradaturiko eremuen %20 lehengo egoerara itzularazi behar da. Hori dela-eta, hainbat eragilek Jaurlaritza, natura leheneratu orain dokumentua... (+)

Eta klimaren konponbidea baso eta paduretan ere balego?

2024-10-06 | Urko Apaolaza Avila

Urriaren amaieran Calin (Kolonbia) egingo den Biodibertsitateari buruzko COP16 biltzarra mugarri izan daiteke, lehen aldiz ekosistemen galera jarri nahi delako CO2 isurien eta berotze globalaren... (+)

Amiantoaren biktimentzako funtsa "behingoz" martxan jartzeko eskatu diote Espainiako Gobernuari

2024-09-25 | Urko Apaolaza Avila

Bi urte igaro dira Espainiako Estatuan funtsa sortzeko legea onartu zutela, baina Pedro Sánchezen gobernuak oraindik ez du araudirik garatu eta ez du aurrekonturik funtsa... (+)

Auto elektrikoak hornitzeko jarritako helburuak lortzea “ezinezkoa” dela aitortu dute gasolindegietako buruek

Azken albisteak>>