Asteroko buletina
Baratzezaintza da ikasi, ikasi eta ikasi. Hori da ondo pasatzea. Beti ari zara ikasten.

Interruptus


2023ko uztailaren 30a

Etxebizitzen energia aurrezpenerako eraikuntza-lanak egiteko dirulaguntzen leihatila bat-batean itxi egin da. Irudikatu ezazue ilaran gelditu direnen haserrea. Arkitektoak, eraikitzaileak, komunitateen administrariak, bizilagunak… Proposamenak jasotzeko deialdia azaroa arte indarrean zegoen, baina europear diru-funtsen zorroa agortu egin dela esan du berriki Eusko Jaurlaritzak, Euskal Autonomi Erkidegoari zegozkion 130 milioi banatu egin direla dagoeneko. Kalteturik gelditu direnak bildu egin dira eta salatu dute ez dela posible programa bertan behera uztea bestelako aukerarik eman gabe. Diotenez, gutxienez funtsen bikoitza beharko da ilaran gelditu direnen proposamenak burutzeko. Hainbeste sustatu den eraikinen energia aurrezpeneko iniziatibak herritar kultura bat sortu duela azaldu dute, eta dirulaguntzen etenak min ikaragarria egin dezakeela josten eta lantzen aritu den bidea, ekarriko dituen ondorio ekonomikoekin batera, noski.

Next Generation funtsak eraikuntzaren sektorean eragin handia izaten ari dira, zaharberritze arloan bereziki. Ez da batere bide erraza funts hauetan izena ematea, pentsa, arkitekto askok ikastaroak jaso dituzte inprimakiak eta eskaera ondo betetzeko. Diru-iturri handi bat da/izango da arkitektoentzat, besteak beste. Etxebizitza parke zaharkitua daukagu eta energia aurrezpeneko eskaera garaikideak betearazteko eraikuntza lan handiak burutu behar dira. Egokitzapenok inbertitze handia suposatzen dute, baina dirulaguntzen bitartez asko animatu dira prozesua abiatzera. Ahoz aho zabaldu da eraikuntza egokitzapenek ekartzen duten energia-fakturaren aurrezpena eta konfort klimatikoa.

Dirulaguntzen ilaran jartzeko arkitektura lan handia behar da aurrez, eta leihatila irekitzen ez bada, ez du ezertarako balioko. Arkitekto Elkargoak dirutan zenbatu nahi du etenaldiak kolektiboari ekar diezaiokeen ondorio ekonomikoa.

Ea hauteskundeen emaitzek nola eragiten duten afera honetan…

Bero
2023-09-10 | Ula Iruretagoiena
Komunikabideetan behin eta berriz entzun dugu udaldirik beroena igaro dugula eta Euskal Herritik hegoalderako lurretan egon direnen artean ere bai, a ze bero! Iazko lehorte... (+)
Berriz, berriztagarriak
2023-07-16 | Ula Iruretagoiena
Egin berri dut. Euskal Autonomi Erkidegoko Energia Berriztagarrien Lurralde Plan Sektorialari alegazio herritarra sinatu eta igorri dut, Euskal Herria Bizirik plataformaren ekimena babestuz. Plataformak azpiegitura... (+)
Datu-zentroak
2023-05-21 | Ula Iruretagoiena
Internet lurralde fisiko bat izango balitz, planetako seigarren lurralderik kutsakorrena izango litzateke . Elektronikako gailuen ekoizpenean erabiltzen diren mineral natural kantitate handiaren, ekoizpen prozesuan sortzen... (+)
Bio
2023-03-05 | Ula Iruretagoiena
Eko-krisiak bio-zentrismoa ekarri du mahai-hizketaldira. Gizateriaren iraungitze posibleaz hitz egiten den garai honetan, “nola iritsi gara honaino? “galdera erretorikoa egiteak zentzua hartzen du. Eta erantzun... (+)
Estoldak
2023-02-19 | Ula Iruretagoiena
Hirien hondakinak bildu eta txikitzen diren lekuetara bisitaldia egitea eskoletako derrigorrezko txangoa izan beharko litzateke. Gaileta paketetxo bat ireki barneko bi gaileta irensteko, eta pakete... (+)
Asteroko buletina

EMAN HARTURAKO:

Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545

OlatuKoop

Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.

BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

gora