Suhiltzaileek itzaltze lanetan jarraitzen duten arren, egonkortu dute kontrolik gabeko sutea. Espainiako Gobernuak larrialdi aurreko faserako plana onartu du, autonomia erkidegoen eta Espainiako Gobernuaren arteko komunikazioa hobetzeko; dena den, larrialdien kudeaketa autonomia erkidegoen eskumena da.
Zarrakazteluko sutearen perimetratze lanak.
Larunbatean Zarrakaztelu eta Figarol artean piztutako sutea perimetratuta eta kontrolpean dute suhiltzaileek, SOS Nafarroak jakinarazi duenaren arabera. Sutea perimetratuta, lurreko brigadek lanean jarraituko dute, eta aireko dispositiboek berriz ere ekin diote lanari astearte goizean.
Nafarroako Gobernuko Barne kontseilari Amparo Lópezek astelehenean jakinarazi zuen sutea gizakiak piztutakoa dela, ez duela nekazaritza edo basogintza jarduerekin zerikusirik izan. Hala ere, oraindik ez dute argitu nola hasi zen sutea, ezta zenbat hektarea erre diren ere.
Larrialdi aurreko fasea onartuta
Espainiako Gobernuko Barne Ministerioak larrialdi aurreko fasea onartu du. Estatuko Larrialdien Plan Orokorrak jasotzen du plana. Plana martxan jarrita, Koordinazio eta Zuzendaritzako Estatu Batzordea biltzera deitu dute estatuan dauden itzali edo kontrolik gabeko suteen egoerari heltzeko.
Onartutako neurri horrek ez du ekarriko estatuko organismoen esku hartzea suteen kudeaketan, autonomia erkidegoen eskumena baita hori. Estatuko eta Autonomia Erkidegoen larrialdi zentruen arteko komunikazioa indartuko dute, eta estatuak hainbat baliabide jarriko ditu autonomien eskuetan suteetan laguntzeko.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Bidelagun
cc by-sa
Sareko kide
Ekoedizioaren Institutuko bazkide
