Aireko dispositiboak Zarrakazteluko sutean.

Larunbat gauean sutea piztu zen Zarrakaztelun, Figarolekin lotzen duen NA‐128 errepidetik gertu dagoen pinudi batean. Suhiltzaileek sua kontrolpean mantentzeko lanetan jarraitzen dute, igandeko beroak eta hezetasun faltak beren lana zaildu baitute. Dena den, lehentasuna suaren hedapena gelditzea dela jakinarazi du Salvador Diez Barne zuzendari orokorrak, eta leku populatuetara heltzea saihestu dutela. Sutea gizakiak eragindakoa dela baieztatu du Amparo Lopez Nafarroako Gobernuko Barne kontseilariak.

Gaur, ETBn, @eajpnv rekin:

"Gerri" telesaila: espainolez ����
"Grace" telesaila: espainolez ����
"Petra" telesaila: espainolez ����

Ez dugu etsitzen, ez gara konformatzen.
ETBn, euskarazko filmak eta telesailak, EUSKARAZ!
Hemen eginak eta nazioartekoak. https://t.co/IgwnTfsAD5

— adm.euskaraz.taldea (@admeuskeraztald) August 10, 2025

Larunbat gauetik etengabe ari dira lanean suhiltzaileak. Sugarrak azkar hedatu dira, eta suhiltzaileek suebakiak egin behar izan dituzte. Aireko eta lurreko dispositiboen esku hartzea ere koordinatu dute. Diezek azaldu du "sutea perimetratua izatetik urrun" dagoela, baina baikor azaldu da, eta “laster” horretara heltzea espero dutela gehitu du. Meteorologia hobetu denez, Zarrakaztelun eta Murelu Hautsin leihoak itxita uzteko gomendioak bertan behera utzi dituzte, eta zaintza aktiboari eutsi diote.

Sua itzaltzeko lanek Espainiako Gobernuaren babesa jaso dute, baita Aragoiko Gobernuarena eta Eusko Jaurlaritzarena ere. Suhiltzaileen, basozainen, ingurumenekoen eta segurtasunekoen hainbat gorputz parte hartzen dute lanetan.