Arabako Mendiak Askek mendi-martxen ziklo berri bati ekingo dio, Babestu maite duzun mendia lelopean. Energia-enpresek «suntsitu nahi dituzten eremu naturalak ezagutaraztea» dute helburu, horrela, «lurraldea babesteko» eta «biodibertsitatea mantentzeko».
Martxoaren 25ean egingo dute lehen martxa, Ullibarri Jauregitik. Bi ibilaldi antolatu dituzte. Lehena, 12km eta 700 metroko desnibelarekin, 9:30etan abiatuko da Igerilekutik. Bigarrena, laburragoa, 5,3km-koa eta 300 metroko desnibelekoa, Puerto Laminoria mendatean hasiko da 11:00etan.
Beste sei irteera antolatu dituzte udaberrian eta udan. Apirilaren 1ean Aramaion izango da, 22an Duranan eta Aiaraldean, maiatzaren 27an Cantoblancon, ekainaren 10ean Jesurin eta Elgeamendin uztailaren 1ean.
Manifestazio nazionala ere deitu dute maiatzaren 20an Gasteizen, Lurraren defentsan Euskal Herria bizirik! lelopean.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.
