Bizi-baratzea

Langile bat hil da Lizarran, biltegi batek eztanda egin ondoren

56 urteko langile bat hil da Lizarran, Agralco (Agrupacion Alcoholera de Bodegas Cooperativas) biltegian lanean ari zela. 10:00ak aldera gertatu da ezbeharra, Lizarran la alcoholera moduan ezagutzen den nekazaritza hondakinen biltegian.

ARGIA @argia

2024ko urriaren 18a

Agralco biltegian gertatu da istripua.

Langilea hondakin horietako batzuk biltzen dituen biltegia ari zen garbitzen leherketa handi bat gertatu denean. Leherketaren indarrak biltegiaren kupula ondoan dagoen Ega ibaiaren bazterretara jaurti du.

Aldi berean, leherketaren ondoren langileak ohartu dira haietako bat falta zela. Ondoren, hilda topatu dute. Lizarrako Polizia Etxeko foruzainak arduratuko dira ikerketaz. Hildako langilearen gorpuari, halaber, autopsia egingo diote.

Aste honetan beste bi langile ere hil dira Euskal Herrian, bat Nafarroan, Leozen, eta bestea Loiun, Bizkaian. LAB sindikatuak egindako zenbaketaren arabera, aurten dagoeneko 48 langile hil dira Euskal Herrian.

Ostegun honetan bertan, LAB, CGT, Steilas, ESK, EHNE eta Hiru sindikatuek elkarretaratzea egin dute Iruñeko Gazteluko plazan, langileen heriotzak salatzeko. Atzokoan bereziki salatu zuten “altuera faktorearen intzidentzia Nafarroako lan istripu hilgarrietan”. Sindikatuen esanetan, azken hiru urteetan hamar langile hil dira altueratik jausita.

Sindikatuek ostegunean eginiko protesta.

Azken albisteak>>

3x05: Gazte baratzezainarekin azelgak biltzen | Iñaki Intxausti

2024-12-18 | Bizi Baratzea, ARGIA

Iñaki Intxausti Zeraingo Mendarte baserriko baratzezain gaztea da eta Mattin Jauregik elkarrizketa egin dio baratzean bertan. Beste lan batzuk ezagutu ostean, duela 10 urte ekin... (+)

Euskal Y-a ez da Ipar Euskal Herriarekin lotuko gutxienez 2042 urtera arte

2024-12-18 | ARGIA

Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean. (+)

Itsasertzaren kudeaketa Jaurlaritzaren esku geratuta, proiektuak "bizkortu ahal izango dira"

2024-12-17 | ARGIA

Eusko Jaurlaritzaren esku geratu dira beste bi eskumen: Itsasertzaren Antolaketa eta Kudeaketa, eta Zinematografia eta Ikus-entzunezko Jarduera. Astelehenean bildu da Transferentzien Batzorde Mistoa, Madrilen, eta... (+)

2x05: Iltze aromatikoa ere sendabelarra da

2024-12-16 | Bizi Baratzea, ARGIA

Gaurko sendabelarra iltze aromatikoa (Syzygium aromaticum) izango da, berari eskaini diogu gaurko podcasta osorik. Hainbatentzat sukaldean dugun espezia aromatikoa dena sendabelarra ere bai baita, gero... (+)

2x04: Izpiliku fina, moretasunean sakontzen

2024-12-02 | ARGIA, Bizi Baratzea

Gaurko sendabelarra izpiliku fina (Lavandula angustifolia) izango da. Zenbat du sendabelarretik lurringintzarako erabiltzen dugun lore moreak? Askorentzat sendabelarra baino, lurrina da lore hau, eta horrek... (+)

Asteroko buletina

ikusi azkenekoa >>