Kurriloak igaro, eguraldi txarra.

Plastikoaren kutsadura mugatzeko itun baten negoziaketan ari dira NBEko herrialdeak Genevan

Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.


2025eko abuztuaren 06a
Itsas zaldia kotoi zotz batekin.
Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Abuztuaren 5etik 14ra NBEko 179 herrialdetako ordezkariak bilduko dira Genevan, hondakin plastikoen kutsadura murrizteko juridikoki loteslea izango den ituna negoziatzeko. Akordio honek plastikoaren bizi ziklo osoa kontuan hartu asmo du: diseinua, ekoizpena eta hondakin bihurtu arte. 2022an hain justu, 482 milioi tona plastiko ekoitzi ziren, hondakinen %15 soilik birziklatu zen, eta birziklatutakoaren erdia baino ez zen berriz aprobetxatu. Gainera, hondakinen %23 naturara botatzen da, ELGAren ikerketa baten arabera.

Bileran izango da Plastikoen Kutsadura Amaitzeko Koalizio Anbiziotsua ere. Koalizio horrek 70 estatu kide ditu, tartean Espainiako eta Frantziako Estatuak, eta bere sorreratik egin du bat aipatu itun loteslea negoziatzeko konpromisoarekin. Ekoizpenari mugak ezartzeko helburua azaldu du koalizioak, batez ere erabilera bakarreko plastikoena. Izan ere, salatu dute horrela jarraituz gero, egoera "atzeraezinera" helduko dela ingurugiroa.  Koalizioko estatuek parez pare dituzte hondakinen kudeaketan edo "borondatezko" neurrietan bakarrik zentratu nahi duten herrialdeak, "petroestatuak" gehienak, Saudi Arabiaren gidaritzapean.

Plastikoaren ekoizpena eta osasun arazoak etengabe hazten dira

Itunaren premia ebidentzia "kezkagarrietan" oinarritu dute: adituek ohartarazi dute mikroplastikoak antzeman dituztela bai gizakietan eta bai animalietan ere, eta horiek gaixotasun kronikoak eragiten dituztela. Plastikoak eragiten dituen osasun arazoek 1,3 bilioi euroko kostuak dituzte, NBEk jasotako ebidentzien arabera. 

Mende hasieratik 2022ra plastikoaren ekoizpena etengabe hasi da, 234 milioi tonatik 482 milioi tonara. Hazkunde horren zati nagusia erabilera bakarreko plastikoek eragin dute. Hori horrela, erabilera bakarreko plastikoak gai zentrala izango dira Genevako bileran.

 

 

Atlantikoko korronte baten kolapsoa adituek uste baino gertagarriagoa da
Ikerketa batek ondorioztatu du adituek uste baino AMOC korrontearen kolapsoa egoteko aukera handiagoak daudela. Korrontean aldaketa handiek eta azkenengo kolapso batek euri tropikaletan eraldaketa handiak... (+)
Hegazkinez bidaiatzea trenez baino 26 aldiz merkeago izan daiteke Europan
Europa barruan hegaldiak hartzea trenez bidaiatzea baino 26 aldiz merkeagoa izan daiteke, 31 herrialdetako 142 ibilbidetan oinarritutako Greenpeaceren ikerketa baten arabera. Hegaldien zerga pribilegioei egotzi... (+)
Gutxieneko soldata propioaren alde 138.495 sinadura lortu dituzte sindikatuek
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren... (+)
Portugaletik Turkiara, Europa hegoaldea sutan
Bero boladek, haizeak eta lehorteek suteak pizteko aukerak bikoiztu dituzte Europan. Portugal, Espainia, Grezia eta Turkia pairatzen ari dira suterik handienak. Milaka suhiltzaile eta herritar... (+)
Ostiraletik aurrera berriz debekatuko dituzte nekazaritza jarduerak Nafarroan
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen... (+)
gora