Bizi-baratzea

Unai Lomana Uribezubia

2025eko otsailaren 19a

Galeper arrunta.

Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Prozesua 2022an abiatu bazen ere, Espainiako Gobernuak galeperra babespeko espezie ez deklaratzea erabaki du astearte honetan, El Diariok argitara ekarri duenez. Galeperraren gaia puri-purian egon da ehiztarien lobbyaren eta antolakunde ekologisten artean.

2022 urtean Espainiako Zientzialarien Batzordeak ikerketa bat burutu eta galeperra galzorian dagoen espezie izendatzea proposatu zuen. Horren aurrean, ehiztarien lobbyak aurkako hainbat lan publikatu zituen eta, Espainiako Nekazaritza Ministerioaren laguntzaz, Zientzialarien Batzordera helarazi zioten informazioa. Komiteak informazioa aztertu ostean, Espainiako Gobernuak adierazi du galeperra ez dela galzorian deklaratuko.

Europa galeperraren ehiza debekatzearen alde

Europako Batzordeak denbora batez Galeperra ehizatzeari uzteko eskatu zion Espainiako Gobernuari 2024 amaieran. Espainiako Nekazaritza Ministerioak ezezko erantzuna eman zion. "Egungo ehiza maila sostengarritasun-mailen gainetik dago", azaldu dio El Diario-ri gaia ikertu duen Ehiza Baliabideen Institutuko kide Carles Carboneras-ek. Aldiz, ehiza lobbyaren esanetan, "galeperraren populazioak egonkor jarraitzen du Espainian". Azken horiei egin die kasu Espainiako Gobernuak.

Azken albisteak>>

Zubietako Erraustegia "gelditzeko" eskatzeko elkarretaratzera deitu du Errausketen Aurkako Mugimenduak larunbatean

2025-05-20 | Unai Lomana Uribezubia

Maiatzaren 24an 13:00ean Gipuzkoako Foru Aldundiaren aurrean elkarretaratzea egingo du Errausketen Aurkako Mugimenduak. Zubietako Erraustegiak sortzen duen kutsaduraren aurrean eta agente publiko eta alderdien jarrera... (+)

Marieneko auzipetuen kontrako zigorra 8.742 eurotara emendatu die Dei Auzitegiak

2025-05-16 | Unai Lomana Uribezubia

Ostia kolektiboko milintanteek 8.742 euro ordaindu beharko dizkiote Bouygues enpresari, eta beste 2.000 euro abokatuen gastuentzat. 2022ko abenduan buruturiko desobedientzia ekintzan promotore horren maketa bat zikindu... (+)

Patronalari absentismoaren "iruzurra" aurpegiratu eta lan istripuak prebenitzeko eskatu diote Hego Euskal Herriko sindikatuek

2025-04-29 | Unai Lomana Uribezubia

Sindikatuek agerraldi eta salaketa publikoak egin dituzte astelehenean, Nazioarteko Lan Osasunaren Egunean. Hego Euskal Herrian iaz zenbatu zituzten 64 hildakoen gorpuak irudikatu dituzte LABek, ESK-k,... (+)

Laborantza lurrak babesteko barazki landaketa herrikoia antolatu dute Marienean

2025-04-22 | Unai Lomana Uribezubia

Kanboko (Lapurdi) lurrak babesteko deia zabaldu dute ELB, Lurzaindia eta Ostiak. Maiatzaren 17an ibilaldia, ekitaldia eta landaketa herrikoia antolatu dituzte. "Lurraldearen oraina, eta geroa ere, gure inplikazioaren... (+)

Munduko batez bestekoa baino bi aldiz azkarrago berotu da Europa 2024an

2025-04-16 | Unai Lomana Uribezubia

Copernikusek eta Munduko Meteorologia Erakundeak urte hasierako ikerketak berretsi dituzte: Europak bero errekorra hautsi du. Gutxienez 413.000 kaltetu eta 335 hildako izan ziren iaz ekaitz eta uholdeengatik,... (+)

Galeperra ez da galzorian deklaratuko eta bere ehizak baimenduta jarraituko du

Azken albisteak>>