Lurraz hazi eta lurrak jan behar

Kontrolpean dute Nafarroako baso sutea, eta gobernuak suteak saihesteko neurriak hartu ditu

Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari. 


2025eko abuztuaren 06a
Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Kontrolpean dute dagoeneko astearte eguerdian Nafarroako Izarbeibar ibarrean piztutako sutea. Eneritz, Muruzabal, Añorbe eta Obanos herrietako eremuak erre dira, baina ez da zauriturik egon, eta normaltasunera bueltatzen ari dira. Sutea Eunateko Andre Maria elizatik gertu hasi zela ondorioztatu dute suhiltzaileek; goizeko 11:50ean jakin zuten sutearen berri. Hainbat helikoptero mugiarazi dituzte eta Obanosko igerilekua itxi dute bertako ura hartu ahal izateko, Berriaren arabera.

Udako suterik handiena da, "muturreko arriskuko" egunetan gertatu da azken asteetako euri falta, eta beroaldia direla eta. Asteartean, 21:30ean, Nafarroako Gobernuak sutea kontrolpean dagoela iragarri, eta herrietako biztanleriarentzat arriskurik ez dagoela azaldu du. Nafarroako presidenteak María Chivitek eta Barne sailburuak Amparo Lópezek prentsaurreko batean azaldu dute sutearen jatorria eta kalteak ikertzen ari direla, Lópezen hitzetan: "Printzipioz ez du eraginik izan tamaina handiko baso masetan. Gertakariak amaitu eta balantzea egin arte, ezin ditugu kalteak eta horien irismena zehaztu ".

"Muturreko arriskua" dela eta Nafarroako Gobernuak sua erabiltzen duten edo sua sor dezaketen nekazaritzako makinak debekatu dituzte. Neurria hartu dute batetik, suteak saihesteko, arrisku handia baitago; eta bestetik, Izarbeibarreko sutera bideratuta daudelako baliabideak.

Espainiako eta Frantziako Estatuetan sute handiak izan dira

Frantziako Estatuko hegoaldean kontrolik gabeko sute batek 11.000 hektarea erre ditu. Sutearen ondorioz, emakume bat hil da eta beste bat desagertuta dago. Espainiako Estatuan 1.500 pertsona mugitu behar izan dira Tarifatik (Andaluzia) sute bat dela eta. Galizian 60 hektarea erre dituen beste sute bat dago eta Xuntak "atentatu" gisa izendatu du.

Atlantikoko korronte baten kolapsoa adituek uste baino gertagarriagoa da
Ikerketa batek ondorioztatu du adituek uste baino AMOC korrontearen kolapsoa egoteko aukera handiagoak daudela. Korrontean aldaketa handiek eta azkenengo kolapso batek euri tropikaletan eraldaketa handiak... (+)
Hegazkinez bidaiatzea trenez baino 26 aldiz merkeago izan daiteke Europan
Europa barruan hegaldiak hartzea trenez bidaiatzea baino 26 aldiz merkeagoa izan daiteke, 31 herrialdetako 142 ibilbidetan oinarritutako Greenpeaceren ikerketa baten arabera. Hegaldien zerga pribilegioei egotzi... (+)
Gutxieneko soldata propioaren alde 138.495 sinadura lortu dituzte sindikatuek
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren... (+)
Portugaletik Turkiara, Europa hegoaldea sutan
Bero boladek, haizeak eta lehorteek suteak pizteko aukerak bikoiztu dituzte Europan. Portugal, Espainia, Grezia eta Turkia pairatzen ari dira suterik handienak. Milaka suhiltzaile eta herritar... (+)
Ostiraletik aurrera berriz debekatuko dituzte nekazaritza jarduerak Nafarroan
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen... (+)
gora