Bizi-baratzea

Donostiako metroaren lanetako gainkostua argitzeko eskatuko du EH Bilduk

Satorralaia plataformak Donostiako Metroaren Mirakontxa-Easo zatiko lanek “%164ko gainkostua” izan dutela salatu zuen joan den astean, eta, horren harira, EH Bilduk gainkostu hori argitzeko eskatu du, Eusko Legebiltzarrean erregistratutako galdera sorta baten bidez.

Irutxuloko Hitza @irutxulo

2025eko martxoaren 04a

Mirakontxa-Easo tartearen bi hondeaketa fronteek bat egin zuten iaz.

Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Auzia “eskandalutzat” jo du koalizio abertzaleak: “Hastapenetatik hiritarren aldetik salatu da sistematikoa izan den opakotasuna, eta, zentzu horretan, EH Bildutik ere kezkaz salatu izan dugu urteotan makroproiektua komunikatzeko erakundeen aldetik, Donostiako Udala zein Eusko Jaurlaritza eta Euskal Trenbide Sarea (ETS), egon den borondate eza informazioa ez emateko, donostiarron kaltetan. Zenbait kasutan datuak ezkutatuz, gainera”.

Horrela, Susana Garcia Chueca Mugikortasun Iraunkorreko sailburuarentzako galdera sorta erregistratu du alderdiak Eusko Legebiltzarrean, baita hasierako aurrekontuarekin eta obren azken kostuarekin edo lanak hasi zirenetik herritarrek jasotako salaketekin lotutako hainbat gai argitzeko eskatu ere.

Azken albisteak>>

Gladys del Estal omenduko dute igandean, haren hilketaren 46. urteurrenean

2025-05-28 | Irutxuloko Hitza

Gladys Gogoan elkarteak eta Eguzkik Gladys del Estal ekologistaren omenezko ekitaldia antolatu dute igande honetan. Gladys del Estal duela 46 urte hil zuen Guardia Zibilak... (+)

Metroaren lanetako gainkostua 33,3 milioi eurokoa dela adierazi du Eusko Jaurlaritzak

2025-03-28 | Irutxuloko Hitza

EH Bilduk galdera sorta bat erregistratu zuen Eusko Legebiltzarrean Donostiako Metroaren igarobideko lanen gainkostua argitzeko. Informazio hori atzo jakinarazi zuen Susana Garcia Chueca Mugikortasun sailburu sozialistak. (+)

Donostiako Isuri Gutxiko Eremua arautuko duen ordenantza onartu dute, azken tramitearen zain

2024-10-16 | Irutxuloko Hitza, Inaxio Esnaola

Arroka plazako Udalinfo bulegoan herritarrentzako informazio gune bat jarriko du azaroan. (+)

Donostiako Udalak gaikako bilketa betetzen ez duela salatu du Eguzkik

2024-10-04 | Irutxuloko Hitza

Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik,... (+)

Datorren urtean hustuko dute Martuteneko kartzela

2023-12-29 | Irutxuloko Hitza, Xalba Ramirez

Donostiako alkate Eneko Goiak azaldu duenez, datorren urtean hustuko dute Martuteneko espetxea, eta Txomiñeneako proiektuaren bigarren fasea martxan jarriko du udalak. Honela aurreratu du Goiak, Tokiko... (+)