Satorralaia plataformak Donostiako Metroaren Mirakontxa-Easo zatiko lanek “%164ko gainkostua” izan dutela salatu zuen joan den astean, eta, horren harira, EH Bilduk gainkostu hori argitzeko eskatu du, Eusko Legebiltzarrean erregistratutako galdera sorta baten bidez.
Mirakontxa-Easo tartearen bi hondeaketa fronteek bat egin zuten iaz.
Auzia “eskandalutzat” jo du koalizio abertzaleak: “Hastapenetatik hiritarren aldetik salatu da sistematikoa izan den opakotasuna, eta, zentzu horretan, EH Bildutik ere kezkaz salatu izan dugu urteotan makroproiektua komunikatzeko erakundeen aldetik, Donostiako Udala zein Eusko Jaurlaritza eta Euskal Trenbide Sarea (ETS), egon den borondate eza informazioa ez emateko, donostiarron kaltetan. Zenbait kasutan datuak ezkutatuz, gainera”.
Horrela, Susana Garcia Chueca Mugikortasun Iraunkorreko sailburuarentzako galdera sorta erregistratu du alderdiak Eusko Legebiltzarrean, baita hasierako aurrekontuarekin eta obren azken kostuarekin edo lanak hasi zirenetik herritarrek jasotako salaketekin lotutako hainbat gai argitzeko eskatu ere.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Bidelagun
cc by-sa
Sareko kide
Ekoedizioaren Institutuko bazkide
