San Gregorio, elurra dario; San Josek, lagunduko dio.

Bilboko superportua eta Getariako hegalabur haztegia, 2025eko “bandera beltz” nagusiak

Ekologistak Martxanek Bandera Beltzak 2025 txostena argitaratu du, urtero legez, "itsasertzeko kutsadura eta ingurumen-kudeaketa txarraren kasu esanguratsuenak ezagutarazteko". Hego Euskal Herriko kostaldeari dagokionez, Bilboko superportuari eta Getariako arrain haztegiri eman dizkio bandera beltz nagusiak , baina Urdaibaiko Guggenheim proiektua eta Txingudiko Badiak ere jaso dute izendapena.


2025eko ekainaren 18a
Guggenheim Urdaibai kontrako manifestazioa Bilbon.
Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Eragile ekologistak urtero osatzen duen Espainiako Estatu mailako txostenaren helburua "itsasertzeko kutsadura eta ingurumen kudeaketa txarraren kasu esanguratsuenak" ezagutaraztea da. Euskal Herriari dagokionez, Bizkaia eta Gipuzkoako egoerak aztertzen ditu txostenak.

Bizkaia

Bilboko Superportuaren handitze planak Santurtzi eta Zierbena arteko A3 eta A4 kaiak handitzea proposatu du. Elkarte ekologistak salatu du portuak Nerbioi badia "gehiegi erabiltzen duela", eta horren arduradun egin ditu Eusko Jaurlaritza eta Espainiako Gobernua. Salatu du ere portuaren enpresa kudeatzailea, enpresa baino, lobbya dela. Gogoratu du portuak lotura zuzena daukala Muskizeko Petronorreko findegiarekin, eta hori dena aintzat hartuta, nabarmendu du superportuak eta Petronorreko findegiak Bizkaia, Araba eta Gipuzkoako "puntu beltz handiena eta kutsatzaileena".

Bilboko superportua Ekologistak Martxan

Guggenheim Bilbao Museoak Urdaibaiko Biosfera Erreserban daukan proiektuari ere eman dio bandera beltza Ekologistak Martxanek. Txostenaren arabera, "proiektu horrekin aurrera jarraitzeak Urdaibaiko Biosfera Erreserba erabat suntsitzea dakar". Proiektua aurrera egiteko Eusko Jaurlaritzak eta EAJk ahalegin guztiak egiten ari direla salatu dute.

Urdaibaiko padura Ekologistak Martxan

Gipuzkoa

Getariako kostaldetik 5,7 kilometrotara ezarri duten hegalabur haztegiak jaso du Gipuzkoako bandera beltza bagusia. Instalazioak daukan eragin negatiboa salatu du mugimenduak, eta antzeko proiektu gehiago garatzeko arriskua dagoela ohartarazi du. Haztegiak itsas ingurunea kutsatuko duela ziurtatu du talde ekologistak, eta baliabide naturalen pribatizazioa dakarrela.

Getariako makrogranja Ekologistak Martxan

Bigarren bandera beltza, "kudeaketa txarragatik", Irun eta Hondarrabia arteko Txingudiko Badiak jaso du. Bertako estuarioak eta Txingudiko Badia "Gipuzkoako balio ekologiko handieneko ingurune naturaletako bat osatzen dute", Ekologistak Martxanen esanetan. "Probintziako HBEB (Hegaztiak Babesteko Eremu Berezia) bakarra da, eta oso puntu berezia da Pirinioetako mendebaldeko muturreko hegaztien migrazio-prozesuetan". Eragilearen arabera, natura ondare hori babesteko 2015-2026 aldirako Plan Zuzentzaile bat osatu zuen Jaurlaritzak 2014 urtean. 2021ean zenbait jarduera burutzeko konpromisoa iragarri zuen Ingurumen Sailak, baina ondoren Espainiako Gobernuaren Trantsizio Ekologikoko Ministerioaren esku utzi zuen dena, eta gaur gaurkoz ez da ezer gauzatu.

Txingudi badia. jmerelo
Desazkunde turistikoaren aldeko Euskal Herriko topaketak egingo dituzte Donostian
BiziLagunEkin plataformak desazkunde turistikoaren aldeko Euskal Herriko topaketak iragarri ditu, Donostian, elkar ezagutzea, esperientziak partekatzea eta gogoeta kolektiboa egitea helburu. Egitarauaren xehetasunak datozen asteetan jakinaraziko... (+)
Abantoko alkate jeltzalea herria zeharkatuko lukeen argindar linea proiektuaren aurka agertu da
"Kalte nabarmena" eragingo luke proiektuak, alkatearen esanetan. Abantoko EAJ, ""eragin txikiagoko" alternatiben alde kokatu da, "nahiz eta aukera horien kostu ekonomikoa handiagoa izan". (+)
Munduan 220 milioi tona plastiko sortu eta %10a baino ez dira birziklatzen urtero
220 milioi tona plastiko sortzen dira munduan eta %10a soilik birziklatzen da, zifra hori hamar urtez mantendu da bere horretan. Hainbat talde ekologistek salatu dute... (+)
Lurramak "Bihar ere laborari" lelopean ospatuko du 20. urteurrena
Laborantza herrikoia eta jasangarria bultzatzen duen azokak 20. urteurrena beteko du. Azaroaren 7tik 9ra antolatu duten erakusketa eta merkatuan parte hartzera dei egin du. (+)
Erregistratutako ekainik beroena izan da aurtengoa Araban, Bizkaian eta Gipuzkoan
2003ko udarekin batera, 1970etik beroena izan da aurtengoa. Europar Batasuneko "Copernicus" behategiak larrialdi klimatikoa dela-eta bero boladak "maizago" egongo direla dio, eta aurtengo ekainean bere... (+)
gora