Baratzezaintza izango da, ziur asko, beste edozer gauza egitea baino gehiago gustatzen zaidana

Abantoko alkate jeltzalea herria zeharkatuko lukeen argindar linea proiektuaren aurka agertu da

"Kalte nabarmena" eragingo luke proiektuak, alkatearen esanetan. Abantoko EAJ, ""eragin txikiagoko" alternatiben alde kokatu da, "nahiz eta aukera horien kostu ekonomikoa handiagoa izan".


2025eko uztailaren 10a
Hernaniko elektrizitate azpiestazioa.
Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Abantoko alkate Iñaki Urrutia, Solaria energia berriztagarrien enpresaren proiektuen aurka agertu da publikoki, udalerriak jasango lukeen "inpaktu bisual handia" dela eta, besteak beste. Alkatearen iritziz energia berriztagarriak bultzatzea ezinbestekoa da, baina garapena ezin da "edonola" egin. Urrutiak ez du begi onez ikusten oro har Abanto eta Castro (Kantabria) artean I-DE Redes Electricas Inteligentes enpresak eraiki nahi duen 132 kilowatteko tentsio altuko linea. Proiektuaren baitan eraikiko lituzketen bi lineek herria ipar-hego norabidean zeharkatuko lukete, "kalte nabarmena eginez natura eremuetan, landagunetan, herriguneetan eta hainbat azpiegituretan".

Herriko EAJk prentsa ohar batean adierazi duenez, ez du proiektuekin bat egiten eta "irtenbide alternatiboak" garatzeko lan egingo du. Udal gobernutik proiektuak garatzeko "eragin txikiagoko aukerak" daudela adierazi dute, "nahiz eta aukera horien kostu ekonomikoa handiagoa izan".

Proiektuei alegazioak aurkezteko epea luzatzea eskatu du alkateak, udako opor garaian ireki baita, eta horrek, "30 egunetan proiektuak eraginkortasunez aztertzea zailtzen du". Energia iturri berriztagarrien garapenerako elkarrizketan aritzeko prest agertu da udala, baina "betiere herria babestuz".

 

 

Atlantikoko korronte baten kolapsoa adituek uste baino gertagarriagoa da
Ikerketa batek ondorioztatu du adituek uste baino AMOC korrontearen kolapsoa egoteko aukera handiagoak daudela. Korrontean aldaketa handiek eta azkenengo kolapso batek euri tropikaletan eraldaketa handiak... (+)
Hegazkinez bidaiatzea trenez baino 26 aldiz merkeago izan daiteke Europan
Europa barruan hegaldiak hartzea trenez bidaiatzea baino 26 aldiz merkeagoa izan daiteke, 31 herrialdetako 142 ibilbidetan oinarritutako Greenpeaceren ikerketa baten arabera. Hegaldien zerga pribilegioei egotzi... (+)
Gutxieneko soldata propioaren alde 138.495 sinadura lortu dituzte sindikatuek
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren... (+)
Portugaletik Turkiara, Europa hegoaldea sutan
Bero boladek, haizeak eta lehorteek suteak pizteko aukerak bikoiztu dituzte Europan. Portugal, Espainia, Grezia eta Turkia pairatzen ari dira suterik handienak. Milaka suhiltzaile eta herritar... (+)
Ostiraletik aurrera berriz debekatuko dituzte nekazaritza jarduerak Nafarroan
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen... (+)
gora