Martxo gezurti, gaur euri, bihar eguzki.

Bidarte eta Miarritzeko sukalde zentralak hornitzeko baratze publikoa

Eskolarako eta adinekoen etxerako otorduak prestatzen dituen Bidarteko sukalde zentralak 150.000 plater prestatzen ditu urtero, eta Miarritzekoak, berriz, 200.000. "Orotara 350.000 otordu dira, eta frantses legediak horrelako sukalde zentraletan osagaien %20 gutxienez biologikoan ukaitea eskatzen du", azaldu du Julien Duflo Bidarteko Herriko Etxeko zerbitzuen zuzendari nagusiak eta Erroberri baratze-proiektuaren bultzatzaileak. Eskaintza biologikoaren gutxienekora iristeko zailtasunak zituzten, batik bat bertako barazki ekoizle ekologikoak topatzeko. Horregatik erabaki dute bi herriko etxeen artean baratze proiektua martxan jartzea. "Erroberri baratze proiektuarekin barazki ekologiko beharraren %80 estaltzea espero dugu", dio.

Garazi Zabaleta
Garazi Zabaleta

2016tik ARGIAn astero esperientzia baten berri ematen du.


2026ko azaroaren 02a
Mundu bizigarriago bat eta bizitza gozagarriago bat egunero lantzen dugunon komunitateak eusten dugu Bizi Baratzea. Horregatik jartzen ditugu sarean eduki denak libre, Lurrari begiratzen eta entzuten diogunak gero eta gehiago izan gaitezen. Batu komunitatera. EGIN BIZI BARATZEAKOA.

Lursaila prestatzeko lanetan ari dira momentu honetan, baina espero dute 2027ko hasierarako obrak bukatzea, landaketak egitea eta udaberrian lehen barazkiak biltzen hastea. 4,5 hektareako lursaila du proiektuak, baina hektarea eta erdi inguru landuko dituztela azaldu du Duflok. "Ilbarritz auzoko lurrek badute berezitasunik, itsasertzean kokatzen baitira eta harea asko dute, zenbait barazki ekoizteko, azenarioa adibidez, oso egokia dena", adierazi du. Hain justu bi udalerrien arteko mugan dago Ilbarritz auzoa, Bidarteko lurretan.

Ekoizpena eta lan egiteko moduak ahalik eta ekologikoenak izatea nahi dute proiektuaren bultzatzaileek, eta ur faltagatik sor litezkeen arazoei aurre hartu nahi izan diote Erroberri proiektuan: "Urari begira autonomoa izateko pentsatua izan da proiektua: euri-ura errekuperatzeko 1.800 metro kubikoko berreskuratze-ontzia eraiki dugu". Lurra zaintzeari begira ere teknika zehatzak erabiliko dituzte Erroberrin, lurreko geruzak errespetatuta egiteko landaketak. "Egitasmoa ahal bezain ekologikoa eta ingurumenari begira ahal bezain iraunkorra izan dadin nahi dugu", gehitu du.

Nekazariak udal-langile

Urte osoan bi langile kontratupean izanen ditu Erroberri baratze proiektuak, eta sasoi betean sasoilari bat ere kontratatuko dute. "Urte osoko bi langile horiek herriko etxeen langileak izanen dira", adierazi du Duflok.

Laborantza proiektu honek garrantzia handia duela nabarmendu du bultzatzaileak, izan ere, Ipar Euskal Herriko kostaldean laborantza egiteko aukera egon badagoela erakutsi nahi dute Erroberrirekin. "Biziki proiektu zaila da, ikusiz nola urbanistikoki kosta guztia betea den, baina bada manera bat laborantza berriz kostara eramateko, eta euskal kostan laborantzatik bizitzeko aukera badagoela erakusteko", amaitu du.

Bertako zuhaitz eta zuhaixken mintegi berria Soraluzen
2026-11-16 | Garazi Zabaleta
Landare eta zuhaixkak ekoizteko afizioa aspalditik izan du Jon Oñederra Rascon soraluzearrak (Gipuzkoa), baina iaz sortu zuen Oitturri mintegia eta modu profesionalean ekoizten hasi zen,... (+)
Bertako produktuen dendatxoa, herritarrei zerbitzu emateko
2026-11-09 | Garazi Zabaleta
Tolosaldeko herri txikia da Baliarrain (Gipuzkoa), 140 biztanle inguru dituena. Duela bost bat urte, ekonomatoa martxan jartzeko pausoak eman zituzten herrian, udalak bultzatuta. "Herritarrei bertako... (+)
Tokiko eta kalitatezko produktuen epizeria parte-hartzailea Baigorrin
2026-10-26 | Garazi Zabaleta
Duela urte eta erdi pasatxo hasi zen Baigorriko (Nafarroa Beherea) pertsona talde bat bertako produktuen denda fisiko bat martxan jartzeko ideia lantzen. Herriko AMAPean –laborari... (+)
Zuberoako artzainak 20 urtez kolektiboan lanean
2026-10-19 | Garazi Zabaleta
1999an Zuberoako artzain talde batek abiatutako hausnarketa prozesutik sortu zen Azkorria kooperatiba. "Garaian, industria bati saltzen zioten ardi esnea inguru honetako artzain guztiek, eta Ossau-Irati... (+)
Zuberoako artzainen Azkorria gasnategi kolektiboak urteurren festa egingo du urriaren 17an
2026-10-14 | Garazi Zabaleta
Aurten hogei urte betetzen ditu Azkorria kooperatibak. Hori ospatzeko, urriaren 17an Muskildin festa egingo dute. Hitzordua 09:00etan da, Azkorria dendaren atarian: ekoizleen merkatua egingo dute... (+)
gora