Argazkia: Yorkeko Unibertsitatea

Paleolitoko ehiztari-biltzaileek nagusiki haragia, zenbaitetan arraina, eta ahal zutenean bildutako fruituren bat jaten zutela uste izan dugu luzaroan. Zeramikazko ontziak aurkitzean, ondo garbitzeko ohitura zeukaten arkeologoek.

Baina azken urteotan, arrasto organikoak garbitu ordez, zehatz aztertzeari ekin diote, eta horrek asko aldatu du historiaurreko sukaldaritzaz ganeukan irudia. Yorkeko unibertsitateko ikerlariek, Lara González arkeologoa buru dutela, 81 ontziren arrastoak aztertu dituzte, eta Plos One aldizkarian ondorioztatu dute, besteak beste, landare asko erabiltzen zituztela janaria prestatzeko, gelatina moduko testurak lortzeko gai zirela, edo zapore gozoak gustuko zituztela.