Pisua kontrolatu nahian azukrearen ordez hartzen diren edulkoratzaileek ez dute laguntzen gorputzeko gantzak gutxitzen eta hainbat gaitz izateko arriskua handitu dezakete. Hala ohartarazi du Osasunaren Mundu Erakundeak.
\"Azukre askeen kontsumoa murrizteko bestelako moduak pentsatu beharko lituzke jendeak\", dio OMEk. Argazkia: RTVE
Ez dago frogatuta edulkoratzaileek epe luzera pisua kontrolatzen lagundu dezaketenik, eta gainera, 2 motako diabetesa eta gaitz kardiobaskularrak izateko arriskua handitu dezakete. Hala dio OMEk, argitaratu berri duen gidan. Azukrea ez diren edulkoratzaile natural nahiz sintetikoez ari da, jakietan nahiz edarietan aurki daitezkeenak edota aparte saltzen direnak: azesulfamoak, aspartamoa, adbantamoa, ziklamatoak, neotamoa, sakarina, sukralosa, estebia eta eratorriak.
Salbuesten ditu botiketan eta higiene pertsonalean (hortzetako pasta, azalerako kremak…) aurkitzen diren edulkoratzaileak. Eta dagoeneko diabetesa diagnostikatuta duten pertsonak ere salbuetsita daude.
“Azukre askeen kontsumoa murrizteko bestelako moduak pentsatu beharko lituzke jendeak, fruta eta azukre naturalak dituzten jakiak kontsumituz, adibidez, edota zuzenean azukrerik gabeko edari eta jakietara joz”, azaldu du OMEko Nutrizio eta Elikadura Segurtasunerako zuzendari Francesco Brancak.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
cc by-sa
Sareko kide
Ekoedizioaren Institutuko bazkide
