Mendizale batek asteburuan ikusi du animalia Lapurdiko Azkaine herrian, eta otsoa dela baieztatu du Pirinio Atlantikoetako Prefeturak. ELB lurraldean "harraparien presentziaren kontra" agertu da.
Otsoa Ipar Euskal Herrira etortzearen "ondorio larriak" salatu ditu sindikatuak: "kanpoko hazkuntza arriskuan" jartzen duela eta laborantzaren "industrializazio fenomenoa azkartzen" duela ohartarazi du. Pirinio Atlantikoetako Prefeturari leporatu dio ez duela onartu nahi "egoeraren larritasuna", eta "otso kopuruaren igoeraren aldeko erabaki politikoak" babestu dituela.
Otsoaren presentziak hazleengan dituen "eragin psikologiko larriak" direla eta, sindikatuak prefeturari exijitu dio "artaldeak babesteko neurriak eta bere ardurak" har ditzan. ELBk nekazariek "harraparien aurrean beren tropa babesteko duten eskubidea" aldarrikatu du, eta euren alde egiten jarraituko duela berretsi du.
Lehen aldiz 2022tik
Mendizale batek asteburuan grabatutako bideo bat aztertuta baieztatu du prefeturak animaliaren presentzia, ohar batean. Landibarren (Nafarroa Beherea) agertu zen otsoa Ipar Euskal Herrian azken aldiz, 2022an. Prefeturak gogorarazi du legez kanpokoa dela otsoa hiltzea, espeziea babestua baita: hiru urteko kartzela zigorra eta 150.000 euroko isuna ekar ditzake zigor gisa.
Irudiak: Sud Ouest
Portadako irudia: kazeta.eus
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Bidelagun
cc by-sa
Sareko kide
Ekoedizioaren Institutuko bazkide
