Bizi-baratzea

Hondakin organikoak bereiztea derrigorrezkoa izango da 2024an Ipar Euskal Herrian eta Frantziako Estatu osoan

Frantziako Gobernuko lehen ministroaren aldizkari ofiziala den Service-public.fr webak ohartarazi duenez, 2024ko urtarrilaren 1etik herritar guztiak daude derrigortuta beren hondakin organikoak bereizi eta konpostatzera. Bio-hondakinok zabor nahasientzako edukiontzi berde handian jaurtitzen harrapatutako herritarrak 35 euroko isuna ordaindu beharko du, hondakinak gaika sailkatzeko aginduak urratzeagatik.

Zero Zabor @zero_zabor

2023ko maiatzaren 15a

Composteurcitizen.fr hedabide elektronikoak oroitarazi du zazpi hilabete barru indarrean jarriko dela familia guztiak konpostatzera derrigortzen dituen agindua, baina legea duela hiru urte ezarrita dago, 2020ko otsaileko 2020-105 legean, xahutzearen kontrako eta ekonomia zirkularraren aldekoan. Horren arabera, 2024ko urtarrilaren 1erako familia guztiek jada eskueran eduki behar dute etxeko hondakin biodegradagarri guztiak bereizteko sistema.

Lehen ministroaren aldizkari ofizialak 2022ko irailean zehaztu zuenez, “Herri Elkargoek proposatu beharko dizkiete hondakinak bereizteko baliabideak, bilketa berezi bat egiteko ontzi egokiak, banaka edo multzoka konpostatzekoak, eta abar. Soluzio asko daude bio-hondakinontzako, udalerrien izaeraren (hiriak, landa-eremukoak) eta familien bizilekuaren (apartamentua, etxe bakarra) arabera: familia bakoitzak bere ontzian konpostatzea, taldekako ontzietan egitea (eraikin, kale edo auzoka multzokatuta), bilketa berezi bat antolatzea [herri elkargoez ari da] ontzi handietan, enbalajeekin eta beirakiekin egiten den moduan…”

Auzokonposta egiteko etxolak Bordeleko auzune batean. (Argazkia: Composteur Citizen)

Hondakin organikoak sorlekuan bertan bereiztea jada derrigorrezkoa zen enpresa eta kolektibitateentzako, urtean hamar tona organiko edo 60 litro olio sortzen dutenentzako. Aurtengo urtarriletik derrigortasuna zabaldua zen urtean bost tona organikotik gora sortzen dutenentzako. Zazpi hilabete barru, etxebizitza guztietan izango da derrigorrezkoa gaikako bilketa eta organikoaren konpostatzea.

Azken albisteak>>

Hondakinen tasa justua aztertuko dute Hobeki elkarteko udalek Berastegin

2023-11-16 | Zero Zabor

"Hondakinen sortzez besteko ordainketa sistemak" aztertuko dituzte ostiral honetan, azaroak 17, Hobeki udal elkarteak antolatutako jardunaldian, Berastegin. Euskal Herrian orain arte martxan Usurbilen bakarrik dagoen... (+)

Agur, Iñaki Usabiaga

2023-05-28 | Zero Zabor

Gipuzkoan Zubietako erraustegiaren kontrako mobilizazioetan parte hartu duten askok horietan ezagutuko zuten Iñaki, bere 80 urte paseekin aktibista beteranoena. Argazkian ageri da militante gazte batekin... (+)

Paris hiriburuko oilategietako arrautzak ez jatea gomendatu dute agintariek, dioxina, furano eta PCBz kutsatuta daudelako

2023-04-24 | Zero Zabor

Ile-de-France (Paris hiriburua eta inguruko metropoli osoa) eskualdeko Osasun Agintaritzak herritarrei gomendatu die beren etxeetako oilategi txikietako arrautzarik ez jatea: aginte publikoak enkargatutako azterketa batek... (+)

PFAS toxikoak kontrolik gabe hedatzen ari direla eta, Europako Batzordeak horien arautzeari ekin dio

2023-02-27 | Zero Zabor

Europako zenbait hedabide handik sustatutako ikerlan batek argitu du PFAS kutsagarriak milaka puntu beltzetan hedatuta daudela kontinente osoan. Oinezko herritarrak aipatzen entzun ez dituen PFAS-ak... (+)

Hernanik Europako Zero Zabor Hiri eta Herrien ziurtagiria eskuratu du

2023-02-20 | Zero Zabor

Hernani bihurtu da Zero Zabor Hiri eta Herrien ziurtagiria lortu du Euskal Herriko lehen udalerria. Zero Waste Europe-k sortu eta Gobernuz Kanpoko Erakunde horren filiala... (+)