Asteroko buletina
Baratzearen opari handiena, bost zentzumenen leheneratzea da

Itsasoan energia eolikoa ekoizteko lehen aerosorgailua jarri dute Armintzan

Espainiako sare elektrikora konektatu den itsasoko lehenbiziko aerosorgailua da. Itsasertzetik bi milatako distantziara dago, eta aurreikuspenen arabera 2.000 etxe hornitzeko adinako energia sortuko du.


2023ko irailaren 19a

Euskal Herrian egoitza duen Saitec Offshore Technologies enpresak zuzendu du DemoSATH deituriko proiektua, Eusko Jaurlaritzak diruz babestu duena, eta bi konpainia handi batu zaizkio inbertsiora: RWE alemaniarra eta The Kansai Electric Power (Kepco) japoniarra. Bizkaiko kostaldean ipini dute, Armintzan, itsasertzetik bi milatako distantziara.

Proiektuaren bultzatzaileek jakinarazi dutenez 2MW energia sortuko du urtean, alegia, 2.000 etxe energiaz hornitzeko adina.

Energia trantsizioa "bideragarri" jo du Urkulluk

Bermeon egin du Eusko Jaurlaritzak proiektuaren aurkezpena, astelehenean, eta alboan izan ditu enpresa bultzatzaileetako ordezkariak.

"Ez dago B planetarik", esan du Iñigo Urkullu lehendakariak kameren aurrean. Energia trantsizioa "bideragarria" dela adierazi du, itsasoan jarritako lehenbiziko aerosorgailua "bide oso onean" doalako. "Gure etorkizuna, geure seme alabena, ilobena, bilobena... gaur hartzen ditugun erabakien araberakoa izango da".

Arantxa Tapia Ingurumen sailburuak sarri erabili dituen hitzak hartu dituUrkulluk, halako proiektuak beharrezko direla argudiatzeko: "Energia berriztagarrien alde egiten dugu betiere gure etxetik urrun baldin badaude, ezta? Ikuspuntu indibidualista hori utzi egin behar dugu, eta guztiongan pentsatu. Geure erabakien kontsekuente izan behar dugu".

Txingor ekaitzak kalte material esanguratsuak utzi ditu zenbait herritan
2023-09-12 | ARGIA
Alerta laranjaren iragarpena bete eta txingor ekaitza bota du Bizkaia eta Gipuzkoako zenbait herritan, eta kalte material ugari eragin ditu; Igorren emakume bat artatu dute,... (+)
Hego Koreako emakume baserritarrek gobernuko presidentearen dimisioa eskatu dute
2023-09-12 | ARGIA
1.000tik gora emakume elkartu ziren abuztuaren hondarrean 2023ko Emakume Baserritarren Biltzar Nazionalean. Yoon Seok-yeol Koreako Gobernuko presidenteari kargua uzteko eskatu diote, nekazaritzarentzat eta nekazarientzat kaltegarriak... (+)
EAEko fiskaltzak ohartarazi du Jaurlaritzak "ez duela kolaboratzen" ingurumen delituen ikerketetan
2023-09-12 | ARGIA
Carmen Adán buru duen EAEko Fiskaltzak 2022ko memoria egin du eta Iker Rioja kazetariak Eldiario.es hedabidean kaleratutako informazioaren arabera, memoria horretan aipatzen da Eusko Jaurlaritzaren... (+)
Errausketaren aurkako giza katea antolatu dute Kontxako estropaden egunean
2023-09-08 | ARGIA
Gipuzkoako hondakinen kudeaketak okerrera egiten jarraitzen duela salatu du Errausketaren Aurkako Mugimenduak. Donostiako erraustegiak kutsadura areagotu eta gaikako bilketa beheragotu duela azaldu dute, eta herrialdean... (+)
Mendeko tenperaturarik handiena Gueñesen: 45,6 gradu
2023-08-24 | ARGIA
Asteazkenean Euskal Herrian inoiz erregistratutako tenperatura handienetakoak jaso ziren. Horien artean Bizkaia eta Gipuzkoako barne aldekoak izan ziren astunenetakoak: Gueñesen 45,6 gradu jaso zituen Euskalmetek... (+)
Asteroko buletina

EMAN HARTURAKO:

Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545

OlatuKoop

Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.

BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

gora