Asteroko buletina
Azaroko eguna, argi orduko iluna

Errausketaren aurkako giza katea antolatu dute Kontxako estropaden egunean

Gipuzkoako hondakinen kudeaketak okerrera egiten jarraitzen duela salatu du Errausketaren Aurkako Mugimenduak. Donostiako erraustegiak kutsadura areagotu eta gaikako bilketa beheragotu duela azaldu dute, eta herrialdean aurreikusten diren proiektu berriek bide hori sakonduko dutela.


2023ko irailaren 08a
Argazkia: Errausketaren Aurkako Mugimendua

Mobilizazioekin jarraitzeko “beharrean” aurkitzen direla azaldu dute Errausketaren Aurkako Mugimenduko kideek asteazkenean eman duten prentsaurrekoan, “Gipuzkoan hondakinen arazoa urtetik urtera larriagotzen ari baita”. Oroitu dute hiru urte direla erraustegia martxan jarri zela, eta beste bi proiektu daudela iragarrita Bergaran eta Zumarragan, “pirolisi izenaren atzean paper fabriketako hondakinak eta plastikoak erretzeko”.

Donostiako erraustegiari buruz, ziurtatu dute sortzen duen kutsadura “oso nabaria” dela. Gogoan izan dituzte ToxicoWatch fundazio holandarrak burutu zuen arrautsen azterketa, Arkaitzerreka errekak jasandako isuri toxikoak eta EHUko Ekopol taldearen txostenak jaso zituen kutsadura mailak eta irregulartasunak. “Etenik ez dute erraustegian gertatzen diren matxurak, istripuak eta irregulartasunak”, ondorioztatu dute.

Hondakinen bilketa datuak

Erraustegiak hondakinen gaikako bilketan ere eragiten ari azaldu dute agerraldian: datu ofizialen arabera, 2020tik 2022ra hondakin organikoen bilketa biztanleko 80 kilotik 75era jaitsi da, eta sortutako errefusa, aldiz, 177kilotik 184ra. Nabarmendu dute Donostiakoak direla herrialde osoko daturik okerrenak. Urte berdinetan, organikoen bilketa 33 kilotik 32ra pasa da, eta errefusa 254 kilotik 265era. “Donostian gaika %41a besterik ez da jasotzen, Europako arauek agintzen dutenaren %50aren oso azpitik”, adierazi dute.

Gipuzkoako agintarien lana eta asmoak kritikatu dituzte mugimenduko bozeramaileek: “Paparrean 2030 agendaren ikurra daramate eta buruan garapenkeria, ekonomia, eta horrek dakarren kutsaduraren hazkundea”.

Giza katea asteburuan

Hori guztia salatzeko, irailaren 10erako giza katea deitu du Errausketaren Aurkako Mugimenduak. Goizeko 10:00etan abiatuko da Alderdi Ederretik. Donostia Bizirik, Urretxu-Zumarraga bizi!, Larramendiko Arnasa eta Errausketaren Aurkako Mugimenduak antolatu dute deialdia, eta hura babesten dute Eguzki eta Ekologistak Martxan mugimenduek, Alternatiba, Berdeak Equo, EH Bildu eta Podemos alderdiek, eta CCOO, EHNE, ELA, ESK, LAB eta Steilas sindikatuek.

2x23: Azoken Egoera | Aitziber Plazaola (Ereindajan) eta Jon Ruiz de Egino (Eskubaratz)
2024-06-24 | ARGIA, Bizi Baratzea
Jon Ruiz de Egino baratzezaina da, Eskubaratz proiektuko kidea. Eta Aitziber Plazaola dendaria, Ereindajan kooperatibako kidea. Beste hainbat kiderekin, Bergarako elikadura mahaian parte hartu dute.... (+)
2x21: Manuelarekin arrantzan | Manuela Jauregi
2024-06-07 | Bizi Baratzea, ARGIA
Manuela Jauregik olagarroa eta eguneko arraina harrapatzen ditu Manuela itsasontzian, eta Getarian saltzen du. Mattin Jauregirekin mintzatu da olagarroa gutxitzen ari dela, itsasoan aldaketa handiak... (+)
2x20: Zer egosten da Europan? | Iker Elosegi (Euskal Herriko Laborantza Ganbara)
2024-05-29 | Bizi Baratzea, ARGIA
Egonarria saioan askotan atera da laborantza ereduen arteko talka, laborantza industriala dela goiko erakundeetatik bultzatzen dena eta aldiz, agroekologia dela Euskal Herriko laborari txiki askok... (+)
2x19: Ibaietako egoera, arrainak, ekosistemak | Arturo Elosegi
2024-05-23 | Bizi Baratzea, ARGIA
Hitz egin dugu baratze inguruko intsektuez. Ura premiazkoa da elikagaiak sortzeko, eta proiektu asko dira erreken inguruan martxan jartzen direnak. Eta baita ere elikagai bila... (+)
Zubietako Erraustegira martxa egingo dute larunbatean Lasartetik abiatuta
2024-05-17 | ARGIA
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan. (+)
Asteroko buletina

EMAN HARTURAKO:

Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545

OlatuKoop

Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.

BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

gora